ಸಾವಿಗೆ ಮೊದಲು ದೇಹದಲ್ಲಿ ಏನಾಗುತ್ತೆ? ದೇಹ ತೊರೆದ ನಂತರ ಆತ್ಮ ಎಲ್ಲಿಗೆ ಹೋಗುತ್ತೆ ತಿಳಿಯಿರಿ

ಮಾನವ ದೇಹದಲ್ಲಿ ಆತ್ಮವಿದೆಯೇ?: ವಿಜ್ಞಾನ ಜಗತ್ತಿಗೆ ಬಹಳಷ್ಟು ನೀಡಿದೆ. ಆದರೆ ಮಾನವ ದೇಹದಲ್ಲಿ ಆತ್ಮವಿದೆಯೇ ಮತ್ತು ಅದು ಇದ್ದರೆ ಸಾವಿನ ನಂತರ ಎಲ್ಲಿಗೆ ಹೋಗುತ್ತದೆ? ಈ ಪ್ರಶ್ನೆಗೆ ಉತ್ತರ ಕಂಡುಹಿಡಿಯಲು ಇಂದಿಗೂ ಸಾಧ್ಯವಾಗಿಲ್ಲ. ಸಾವಿನ ನಂತರ ಆತ್ಮ ಎಲ್ಲಿಗೆ ಹೋಗುತ್ತದೆ ಎಂಬುದರ ಬಗ್ಗೆ ಇಂದು ನಾವು ನಿಮಗೆ ಹೇಳುತ್ತೇವೆ.

ಸಾವಿನ ನಂತರ ಆತ್ಮಕ್ಕೆ ಏನಾಗುತ್ತದೆ?

ಜಗತ್ತಿನಲ್ಲಿ ನಿಜವಾಗಿಯೂ ಆತ್ಮಗಳಿವೆಯೇ ಎಂಬ ಪ್ರಶ್ನೆಯನ್ನು ಯಾವಾಗಲೂ ಕೇಳಲಾಗುತ್ತದೆ. ಇದ್ದರೆ, ದೇಹದ ಮರಣದ ನಂತರ ಆತ್ಮಗಳು ಎಲ್ಲಿಗೆ ಹೋಗುತ್ತವೆ? ಅವು ಏನಾಗುತ್ತವೆ? ಅವು ಇನ್ನೊಂದು ದೇಹದ ಮೂಲಕ ಮತ್ತೆ ಭೂಮಿಗೆ ಮರಳುತ್ತವೆಯೋ? ಅಥವಾ ಶಾಶ್ವತವಾಗಿ ವಿದಾಯ ಹೇಳುತ್ತವೆಯೋ? ಈ ಪ್ರಶ್ನೆಗಳಿಗೆ ಹಲವು ಉತ್ತರಗಳಿವೆ, ಆದರೆ ಇಲ್ಲಿಯವರೆಗೆ ತಾರ್ಕಿಕ ಉತ್ತರ ಕಂಡುಹಿಡಿಯಲು ಯಾರಿಗೂ ಸಾಧ್ಯವಾಗಿಲ್ಲ. ಈ ಪ್ರಶ್ನೆ ಬಂದಾಗ ವಿಜ್ಞಾನವೂ ಸ್ವಲ್ಪ ತಲೆಕೆಡಿಸಿಕೊಳ್ಳುತ್ತದೆ.  

ಇದನ್ನೂ ಓದಿ: ಕೆಲವೇ ದಿನಗಳಲ್ಲಿ ವೇಗವಾಗಿ ತೂಕ ಕಳೆದುಕೊಳ್ಳಬೇಕೇ? ಹಸಿರು ಪಪ್ಪಾಯಿ ಟ್ರೈ ಮಾಡಿ ನೋಡಿ!

30 ವರ್ಷಗಳ ನಂತರ ದೇಹದ ಸಾಮರ್ಥ್ಯ ಕಡಿಮೆ 

ಇತರ ವಸ್ತುಗಳಂತೆ ಮಾನವ ದೇಹವು ಸಹ ವಯಸ್ಸಾದಂತೆ ಶಿಥೀಲಗೊಳ್ಳಲು ಪ್ರಾರಂಭಿಸುತ್ತದೆ ಎಂದು ವಿಜ್ಞಾನ ಹೇಳುತ್ತದೆ. 30 ವರ್ಷ ವಯಸ್ಸಿನ ನಂತರ ಪ್ರತಿ 10 ವರ್ಷಗಳಿಗೊಮ್ಮೆ ಮೂಳೆಗಳ ಸಾಂದ್ರತೆಯು ಶೇ.1ರಷ್ಟು ಕಡಿಮೆಯಾಗುತ್ತದೆ. ಅದೇ ರೀತಿ 35 ವರ್ಷಗಳ ನಂತರ ಮಾನವ ಸ್ನಾಯುಗಳು ಕಡಿಮೆಯಾಗಲು ಪ್ರಾರಂಭಿಸುತ್ತವೆ. ಒಬ್ಬ ವ್ಯಕ್ತಿಯು 80ನೇ ವಯಸ್ಸನ್ನು ತಲುಪಿದಾಗ ಅವನ ಶೇ.40ರಷ್ಟು ಸ್ನಾಯುಗಳು ನಾಶವಾಗುತ್ತವೆ. ಇದರಿಂದ ಆತನ ದೈಹಿಕ ಶಕ್ತಿಯು ತುಂಬಾ ದುರ್ಬಲವಾಗುತ್ತದೆ. ಅವನ ಜೀವಕೋಶಗಳ ಡಿಎನ್ಎ ನಾಶವಾಗಿದೆ.

ಈ ಕಾರಣಗಳಿಂದ ಸಾವು

ವಿಜ್ಞಾನಿಗಳ ಪ್ರಕಾರ, ಸಾವಿನ ಮೊದಲು ಮಾನವ ದೇಹದ ಭಾಗಗಳು ಒಂದೊಂದಾಗಿ ಕೆಲಸ ಮಾಡುವುದನ್ನು ನಿಲ್ಲಿಸುತ್ತವೆ. ಇದು ಅವನ ಉಸಿರಾಟದ ಪ್ರಕ್ರಿಯೆಯ ಮೇಲೆ ಪರಿಣಾಮ ಬೀರಲು ಪ್ರಾರಂಭಿಸುತ್ತದೆ. ಇದು ಸಂಭವಿಸಿದಾಗ ಹೃದಯವು ಕಾರ್ಯನಿರ್ವಹಿಸುವುದನ್ನು ನಿಲ್ಲಿಸುತ್ತದೆ, ಇದರಿಂದಾಗಿ ದೇಹಕ್ಕೆ ಆಮ್ಲಜನಕದ ಪೂರೈಕೆಯು ಮುಂದಿನ 5 ನಿಮಿಷಗಳಲ್ಲಿ ನಿಲ್ಲುತ್ತದೆ ಮತ್ತು ವ್ಯಕ್ತಿಯು ಸಾಯುತ್ತಾನೆ. ಈ ಪರಿಸ್ಥಿತಿಯಲ್ಲಿ ಜೀವಕೋಶಗಳು ಸಾಯಲು ಪ್ರಾರಂಭಿಸುತ್ತವೆ, ಇದನ್ನು ಪಾಯಿಂಟ್ ಆಫ್ ನೋ ರಿಟರ್ನ್ ಎಂದು ಕರೆಯಲಾಗುತ್ತದೆ. ಕೆಲವು ಜೀವಕೋಶಗಳು ಸಾವಿನ ನಂತರದ 24 ಗಂಟೆಗಳ ಕಾಲ ಜೀವಂತವಾಗಿರುತ್ತವೆ.  

ಇದನ್ನೂ ಓದಿ: ಅಡುಗೆಗೆ ನಿತ್ಯ ಬಳಸುವ ಈ ತರಕಾರಿ ಕೂದಲು ಉದ್ದ ಬೆಳೆಯಲು ಬಲು ಉಪಕಾರಿ

ಸಾವಿನ ನಂತರ ಏನಾಗುತ್ತದೆ..?

ಒಬ್ಬ ವ್ಯಕ್ತಿಯ ಮರಣದ ನಂತರ ಏನಾಗುತ್ತದೆ? ಇದರಲ್ಲಿ ಯಾವುದಾದರೂ ಆತ್ಮ (ಮಿಸ್ಟರಿ ಆಫ್ ಸೋಲ್) ಇದೆಯೇ? ಇದು ಸಂಭವಿಸಿದರೆ ಅದು ಎಲ್ಲಿಗೆ ಹೋಗುತ್ತದೆ? ವಿಜ್ಞಾನವು ಈ ವಿಷಯದಲ್ಲಿ ಮೌನವಾಗಿದೆ. ದೇಶದ ಮಹಾನ್ ಋಷಿಮುನಿಗಳು ಸಾವಿನ ನಂತರದ ರಹಸ್ಯವನ್ನು ಬಹಿರಂಗಪಡಿಸಿದ್ದಾರೆ. ಗಾಯತ್ರಿ ಪರಿವಾರದ ಸಂಸ್ಥಾಪಕ ಪಂಡಿತ್ ಶ್ರೀರಾಮ್ ಶರ್ಮಾ ಆಚಾರ್ಯ ಬರೆದಿರುವ ಪುಸ್ತಕದಲ್ಲಿ ಸಾವಿಗೆ ಸಂಬಂಧಿಸಿದ ಹಲವು ನಿಗೂಢಗಳನ್ನು ಬಯಲಿಗೆಳೆಯುವ ಪ್ರಯತ್ನ ಮಾಡಲಾಗಿದೆ. ಅವರು ತಮ್ಮ ಪುಸ್ತಕದಲ್ಲಿ 'ದೇಹ  ತೊರೆದ ನಂತರ ಆತ್ಮಗಳು ಸಾಮಾನ್ಯವಾಗಿ ಸ್ವಲ್ಪ ಸಮಯದವರೆಗೆ ವಿಶ್ರಾಂತಿ ಸ್ಥಿತಿಯಲ್ಲಿರುತ್ತವೆ. ನಂತರ ಹೊಸ ಜನ್ಮವನ್ನು ಪಡೆದುಕೊಳ್ಳುತ್ತವೆ’ ಎಂದು ಬರೆದಿದ್ದಾರೆ.

ಆತ್ಮವು ಮೃತದೇಹದ ಬಳಿ ಸುಳಿದಾಡುತ್ತವೆ!

ಭಾರತದ ಮಹಾನ್ ಯೋಗಿಗಳು ಬರೆದ ಅನೇಕ ಪುಸ್ತಕಗಳಲ್ಲಿ ಸಾವಿನ ನಂತರ ಆತ್ಮವು ಸ್ಥೂಲ ದೇಹದಿಂದ ಸೂಕ್ಷ್ಮ ಅಂಶವಾಗಿ ಬೇರ್ಪಡುತ್ತದೆ ಎಂದು ಹೇಳಲಾಗಿದೆ. ಈ ಸೂಕ್ಷ್ಮ ಶರೀರದ ರಚನೆಯು ಸ್ಥೂಲ ಶರೀರದಂತೆಯೇ ಇರುತ್ತದೆ. ಈ ಸೂಕ್ಷ್ಮ ದೇಹವು ಅಣುಗಳಿಂದ ಮಾಡಲ್ಪಟ್ಟಿದೆಯಾದರೂ, ಈ ಸೂಕ್ಷ್ಮ ದೇಹವು ಯಾವುದೇ ಭೌತಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳಲು ಸಾಧ್ಯವಿಲ್ಲ. ಮೃತ ದೇಹವನ್ನು ತೊರೆದ ನಂತರವೂ ಆ ಆತ್ಮ (ಮಿಸ್ಟರಿ ಆಫ್ ಸೋಲ್) ಅದರ ಸುತ್ತಲೂ ಸುಳಿದಾಡುತ್ತಲೇ ಇರುತ್ತದಂತೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.