ಫಿಟ್‌ನೆಸ್ ಐಕಾನ್ ಶಿಲ್ಪಾ ಶೆಟ್ಟಿಯವರ ಫಿಟ್‌ನೆಸ್ ಆ್ಯಪ್ ಜನರಿಗೆ ಆರೋಗ್ಯಕರ ಸಲಹೆಗಳನ್ನು ನೀಡುತ್ತಾ ದೊಡ್ಡ ಯಶಸ್ಸನ್ನೂ ಗಳಿಸಿದೆ.
ನವದೆಹಲಿ: ನಟಿ ಶಿಲ್ಪಾ ಶೆಟ್ಟಿ(Shilpa Shetty) ಅವರ ಫಿಟ್‌ನೆಸ್ ಅಪ್ಲಿಕೇಶನ್ 'ಶಿಲ್ಪಾ ಶೆಟ್ಟಿ ಆ್ಯಪ್' 2019 ರ ಗೂಗಲ್ ಪ್ಲೇನ ಅತ್ಯುತ್ತಮ ಅಪ್ಲಿಕೇಶನ್‌ಗಳಲ್ಲಿ 'ವೈಯಕ್ತಿಕ ಬೆಳವಣಿಗೆ' ವಿಭಾಗದಲ್ಲಿ ಪ್ರಶಸ್ತಿಯನ್ನು ಗೆದ್ದಿದೆ. ಶಿಲ್ಪಾ ಗುರುವಾರ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಅಭಿಮಾನಿಗಳೊಂದಿಗೆ ಈ ಸುದ್ದಿಯನ್ನು ಹಂಚಿಕೊಂಡಿದ್ದಾರೆ.
"ಎಂತಹ ಅದ್ಭುತ ಗೌರವ. ನಮ್ಮ ಶಿಲ್ಪಶೆಟ್ಟಿ ಆ್ಯಪ್ ಗೂಗಲ್‌ಪ್ಲೇನ ಅತ್ಯುತ್ತಮ ಅಪ್ಲಿಕೇಶನ್‌ಗಳ 2019 ರ 'ವೈಯಕ್ತಿಕ ಬೆಳವಣಿಗೆ' ವಿಭಾಗದಲ್ಲಿ ಪ್ರಶಸ್ತಿಯನ್ನು ಸ್ವೀಕರಿಸಿದೆ. ಈ ವರ್ಷದ ಅಂತ್ಯಕ್ಕೆ ಇದಕ್ಕಿಂತ ಉತ್ತಮ ಸುದ್ದಿ ಬರಲು ಸಾಧ್ಯವಿಲ್ಲ" ಎಂದು ಶಿಲ್ಪಾ ಬರೆದಿದ್ದಾರೆ.
ಅಪ್ಲಿಕೇಶನ್ಗೆ ತುಂಬಾ ಪ್ರೀತಿ ಮತ್ತು ನಿರಂತರ ಬೆಂಬಲವನ್ನು ತೋರಿಸಿದ ನಿಮ್ಮೆಲ್ಲರಿಗೂ ಧನ್ಯವಾದಗಳು. ಇದು ನಿಜವಾಗಿಯೂ ಮುಖ್ಯವಾಗಿದೆ. ಮುಂಬರುವ ವರ್ಷ ಇನ್ನೂ ಉತ್ತಮವಾಗಲಿದೆ ಎಂದು ಅವರು ಭರವಸೆ ನೀಡಿದ್ದಾರೆ.
ಶಿಲ್ಪಾ ಶೆಟ್ಟಿ ತನ್ನ ಆ್ಯಪ್‌ನಲ್ಲಿ ಫಿಟ್‌ನೆಸ್ ಜ್ಞಾನವನ್ನು ನೀಡುವುದಲ್ಲದೆ, ಫಿಟ್‌ನೆಸ್ ಮಂತ್ರವನ್ನು ತನ್ನ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳುತ್ತಾರೆ.
12 ವರ್ಷಗಳ ಸುದೀರ್ಘ ಅಂತರದ ನಂತರ ಶಿಲ್ಪಾ ಶೆಟ್ಟಿ ಬಾಲಿವುಡ್‌ಗೆ ಪ್ರವೇಶಿಸಲಿದ್ದಾರೆ.
ಅವರು ಮುಂಬರುವ 'ನಿಕಮ್ಮ' ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ದಿನಗಳಲ್ಲಿ ಚಿತ್ರದ ಚಿತ್ರೀಕರಣ ಲಖನೌದಲ್ಲಿ ನಡೆಯುತ್ತಿದೆ. (ಇನ್‌ಪುಟ್ ಐಎಎನ್‌ಎಸ್‌ನಿಂದಲೂ ಸಹ) ಎಲ್ಲಾ ಫೋಟೋಗಳ ಕೃಪೆ: INSTAGRAM@theshilpashetty
