Abdu Rozik engagement : 'ಬಿಗ್ ಬಾಸ್ 16' ಮೂಲಕ ಜನಪ್ರಿಯತೆ ಗಳಿಸಿದ ಗಾಯಕ ಅಬ್ದು ರೋಜಿಕ್ ಸದ್ದಿಲ್ಲದೇ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಈ ಕುರಿತ ಫೊಟೋಗಳನ್ನು ಅಬ್ದು ತಮ್ಮ ಸೋಷಿಯಲ್‌ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದ್ದು, ಅವರ ಅಭಿಮಾನಿಗಳು, ಸಿನಿರಂಗದ ಗಣ್ಯರು ಶುಭ ಕೋರುತ್ತಿದ್ದಾರೆ.
'ಬಿಗ್ ಬಾಸ್ 16' ಮೂಲಕ ಗಮನ ಸೆಳೆದಿರುವ ಗಾಯಕ ಅಬ್ದು ರೋಝಿಕ್ ಸದಾ ಯಾವುದಾದರೊಂದು ಕಾರಣಕ್ಕಾಗಿ ನಿರಂತರವಾಗಿ ಸುದ್ದಿಯಲ್ಲಿದ್ದಾರೆ.
3 ಅಡಿ ಎತ್ತರದ ಅಬ್ದು ರೋಜಿಕ್ ಶೀಘ್ರದಲ್ಲೇ ಮದುವೆಯಾಗಲಿದ್ದು, ಇಂದು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.
ಈ ಕುರಿತ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಎಲ್ಲರೂ ಅಬ್ದುಗೆ ವಿಶ್‌ ಮಾಡುತ್ತಿದ್ದಾರೆ.
ಅಬ್ದು ಜತೆ ಅವರ ಭಾವಿ ಪತ್ನಿ ಬಿಳಿ ಬಣ್ಣದ ಉಡುಪಿನಲ್ಲಿ ಕುಳಿತಿರುವುದನ್ನು ಚಿತ್ರಗಳಲ್ಲಿ ಕಾಣಬಹುದು.
ಅಬ್ದು ತನ್ನ ಸಂಗಾತಿಗೆ ಹಾರ್ಟ್‌ ಆಕಾರದ ವಜ್ರದ ಉಂಗುರವನ್ನು ತೊಡಿಸಿರುವುದನ್ನು ಫೋಟೋದಲ್ಲಿ ಕಾಣಬಹುದು.
ಆದರೆ, ಫೋಟೋಗಳಲ್ಲಿ ಹುಡುಗಿಯ ಮುಖ ಕಾಣಿಸುತ್ತಿಲ್ಲ. ಏಪ್ರಿಲ್ 24 ರಂದು ಅಬ್ದು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.
ಅಬ್ದು ಭಾವಿ ಪತ್ನಿಯ ಹೆಸರು ಅಮೀರಾ ಎಂದು ತಿಳಿದು ಬಂದಿದೆ. ಈ ಜೋಡಿ ಮೇ 8 ರಂದು ಮದುವೆಯಾಗುವುದಾಗಿ ಘೋಷಿಸಿದ್ದಾರೆ.
