ಅಬುಧಾಬಿಯ ಮೊದಲ ಹಿಂದೂ ದೇವಾಲಯಕ್ಕೆ ಗಂಗಾ-ಯಮುನೆಯ ಪವಿತ್ರ ನೀರು: ಈ ಮಂದಿರದ ವಿಶೇಷತೆ ಏನು ಗೊತ್ತಾ?

Abu Dhabis first Hindu temple: ಅಬುಧಾಬಿಯಲ್ಲಿ ಹಿಂದೂ ದೇವಾಲಯದ ನಿರ್ಮಾಣ ಕಾರ್ಯ ಪೂರ್ಣಗೊಂಡಿದ್ದು, ಇಂದು ಫೆಬ್ರವರಿ 14 ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ದೇವಾಲಯವನ್ನು ಉದ್ಘಾಟಿಸಲಿದ್ದಾರೆ. ಇದು ಅಬುಧಾಬಿಯಲ್ಲಿ ನಿರ್ಮಿಸಲಾದ ಮೊದಲ ಹಿಂದೂ ದೇವಾಲಯವಾಗಿದ್ದು, ಪ್ರತಿಯೊಂದು ಮೂಲೆಯೂ ಭಾರತಕ್ಕೆ ಸಂಪರ್ಕ ಹೊಂದಿದೆ. ದೇವಾಲಯ ನಿರ್ಮಾಣದಲ್ಲಿ ರಾಜಸ್ಥಾನದ ಕಲ್ಲು ಬಳಸಲಾಗಿದ್ದು, ಗಂಗಾ-ಯಮುನೆಯ ನೀರು ಇಲ್ಲಿ ಹರಿಯುತ್ತದೆ.

ದೇವಾಲಯಕ್ಕೆ ಸಂಬಂಧಿಸಿದಂತೆ, ರಾಜಸ್ಥಾನದಿಂದ ದೇವಾಲಯಕ್ಕೆ ಗುಲಾಬಿ ಮರಳುಗಲ್ಲು ತರಲಾಗಿದೆ ಎಂದು ಹೇಳಲಾಗುತ್ತಿದೆ. ಇಲ್ಲಿನ ಕಲ್ಲುಗಳನ್ನು ದೇವಾಲಯದ ನಿರ್ಮಾಣಕ್ಕೆ ಬಳಸಲಾಗಿದೆ. ಜೊತೆಗೆ, ಗಂಗಾ-ಯಮುನೆಯ ಪವಿತ್ರ ನೀರನ್ನು ಇಲ್ಲಿ ಬಳಕೆ ಮಾಡಲಾಗಿದೆ ಎಂದು ಹೇಳಲಾಗುತ್ತಿದೆ.  

ಇದನ್ನೂ ಓದಿ: Non Stick Pan:ನೀವು ನಾನ್ ಸ್ಟಿಕ್ ಪ್ಯಾನ್‌ಗಳನ್ನು ಬಳಸುತ್ತಿದ್ದರೆ ಈ ಸಲಹೆಗಳು ನಿಮಗಾಗಿ..

ಎರಡು ದಿನಗಳ ಭೇಟಿಗಾಗಿ ಪ್ರಧಾನಿ ನರೇಂದ್ರ ಮೋದಿ ಮಂಗಳವಾರ ಅಬುಧಾಬಿ ತಲುಪಿದ್ದು, ಬುಧವಾರ ಹಿಂದೂ ದೇವಾಲಯವನ್ನು ಉದ್ಘಾಟಿಸಲಿದ್ದಾರೆ. ದೇವಾಲಯದ ಎರಡೂ ಬದಿಗಳಿಂದ ಗಂಗಾ ಮತ್ತು ಯಮುನೆಯ ಪವಿತ್ರ ನೀರು ಹರಿಯುತ್ತಿದೆ. ಈ ನೀರುಗಳನ್ನು ದೊಡ್ಡ ಕಂಟೈನರ್’ಗಳಲ್ಲಿ ಇಲ್ಲಿಗೆ ತರಲಾಗಿದೆ ಎಂದು ಹೇಳಲಾಗುತ್ತಿದೆ. ದೇವಾಲಯದ ಸಂಕೀರ್ಣವು ನೀಡಿದ ಮಾಹಿತಿಯ ಪ್ರಕಾರ, ಗಂಗೆಯ ನೀರು ಹರಿಯುವ ಸ್ಥಳದಲ್ಲಿ ಘಾಟ್ ಆಕಾರದ ಆಂಫಿಥಿಯೇಟರ್ ಅನ್ನು ನಿರ್ಮಿಸಲಾಗಿದೆ.

ವಾರಣಾಸಿಯ ಘಾಟ್‌’ನ ಒಂದು ನೋಟವನ್ನು ಇಲ್ಲಿ ತೋರಿಸಬೇಕೆಂಬುದೇ ಇದನ್ನು ಸ್ಥಾಪಿಸುವ ಹಿಂದಿನ ಕಾರಣ ಎಂದು ದೇವಾಲಯದ ಸ್ವಯಂಸೇವಕರು ಹೇಳಿದ್ದಾರೆ.

ದುಬೈ-ಅಬುಧಾಬಿ ಶೇಖ್ ಜಾಯೆದ್ ಹೆದ್ದಾರಿಯ ಅಲ್ ರಹ್ಬಾ ಬಳಿ ಇರುವ ಬೋಚಸನ್ ನಿವಾಸಿ ಶ್ರೀ ಅಕ್ಷರ ಪುರುಷೋತ್ತಮ ಸ್ವಾಮಿನಾರಾಯಣ ಸಂಸ್ಥೆ (BAPS) ನಿರ್ಮಿಸಿದ ಈ ದೇವಾಲಯವನ್ನು ಸುಮಾರು 27 ಎಕರೆ ಭೂಮಿಯಲ್ಲಿ ನಿರ್ಮಿಸಲಾಗಿದೆ. ಸೊಗಸಾದ ಅಮೃತಶಿಲೆಯ ಕೆತ್ತನೆಗಳನ್ನು ಒಳಗೊಂಡಿರುವ ಈ ಮಂದಿರವನ್ನು, ರಾಜಸ್ಥಾನ ಮತ್ತು ಗುಜರಾತ್‌’ನ ನುರಿತ ಕುಶಲಕರ್ಮಿಗಳಿಂದ 25,000 ಕ್ಕೂ ಹೆಚ್ಚು ಕಲ್ಲಿನ ತುಣುಕುಗಳಿಂದ ಕೆತ್ತಲಾಗಿದೆ.

ಇದನ್ನೂ ಓದಿ: Basant Panchami: ಸರಸ್ವತಿ ದೇವಿಯನ್ನು ಮೆಚ್ಚಿಸಲು ಈ ರೀತಿಯ ಪೂಜೆಯನ್ನು ಮಾಡಿ..!ಒಳ್ಳೆಯದಾಗುವುದು

ದೇವಾಲಯ ನಿರ್ಮಾಣಕ್ಕಾಗಿ ಸುಮಾರು 700ಕ್ಕೂ ಹೆಚ್ಚು ಕಂಟೈನರ್‌ಗಳಲ್ಲಿ ಎರಡು ಲಕ್ಷ ಘನ ಅಡಿಗೂ ಹೆಚ್ಚು ಪವಿತ್ರ ಕಲ್ಲುಗಳನ್ನು ತರಲಾಗಿದೆ ಎಂದು ಹೇಳಲಾಗುತ್ತಿದೆ. ಇನ್ನು ಮರದ ಪೆಟ್ಟಿಗೆಗಳು ಮತ್ತು ಪಾತ್ರೆಗಳನ್ನು ದೇವಾಲಯದಲ್ಲಿ ಪೀಠೋಪಕರಣಗಳಾಗಿ ತಯಾರಿಸಲು ಬಳಸಲಾಗುತ್ತಿದೆ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/watch?v=I87DcFM35WY
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.