ನವದೆಹಲಿ: ಹೊಸ ವರ್ಷಕ್ಕೂ ಮುನ್ನಾದಿನದಂದು, ಭಾರತೀಯ ರೈಲ್ವೆ ಉಪನಗರ ರೈಲುಗಳನ್ನು ಹೊರತುಪಡಿಸಿ ತನ್ನ ನೆಟ್‌ವರ್ಕ್‌ನಾದ್ಯಂತ ಶುಲ್ಕ ಹೆಚ್ಚಳವನ್ನು ಘೋಷಿಸಿತು, ಮಂಗಳವಾರ ಹೊರಡಿಸಿದ ಆದೇಶದ ಪ್ರಕಾರ ಜನವರಿ 1, 2020 ರಿಂದ ಈ ನಿಯಮ ಜಾರಿಗೆ ಬರುತ್ತದೆ.
ಉಪನಗರ ದರಗಳು ಬದಲಾಗದೆ ಇದ್ದರೂ, ಸಾಮಾನ್ಯ ಎಸಿ ಅಲ್ಲದ, ಉಪನಗರವಲ್ಲದ ದರಗಳು ಪ್ರತಿ ಕಿ.ಮೀ ಪ್ರಯಾಣಕ್ಕೆ 1 ಪೈಸೆ ಏರಿಕೆಯಾಗಿದೆ. ಮೇಲ್ / ಎಕ್ಸ್‌ಪ್ರೆಸ್ ಎಸಿ ರಹಿತ ರೈಲುಗಳ ದರದಲ್ಲಿ ಎರಡು ಪೈಸೆ / ಕಿಮೀ ಹೆಚ್ಚಳ ಮತ್ತು ಎಸಿ ತರಗತಿಗಳ ದರದಲ್ಲಿ ನಾಲ್ಕು ಪೈಸೆ / ಕಿಮೀ ಹೆಚ್ಚಳವನ್ನೂ ರೈಲ್ವೆ ಘೋಷಿಸಿದೆ.
ಪ್ರೀಮಿಯಂ ರೈಲುಗಳಾದ ಶತಾಬ್ದಿ, ರಾಜಧಾನಿ ಮತ್ತು ಡುರೊಂಟೊ ರೈಲುಗಳನ್ನು ಶುಲ್ಕ ಹೆಚ್ಚಳದಲ್ಲಿ ಸೇರಿಸಲಾಗಿದೆ.1,447 ಕಿ.ಮೀ ದೂರದಲ್ಲಿರುವ ದೆಹಲಿ-ಕೋಲ್ಕತಾ ರಾಜಧಾನಿಯಲ್ಲಿ, ಪ್ರತಿ ಕಿ.ಮೀ.ಗೆ 4 ಪೈಸೆ ದರದಂತೆ 58 ರೂ. ಹೆಚ್ಚಳವಾಗಲಿದೆ.
ಈ ನೂತನ ಆದೇಶದ ಪ್ರಕಾರ, ಮೀಸಲಾತಿ ಶುಲ್ಕ ಮತ್ತು ಸೂಪರ್‌ಫಾಸ್ಟ್ ಶುಲ್ಕದಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ ಮತ್ತು ದರಗಳ ಹೆಚ್ಚಳವು ಈಗಾಗಲೇ ಕಾಯ್ದಿರಿಸಿದ ಟಿಕೆಟ್‌ಗಳಿಗೆ ಅನ್ವಯಿಸುವುದಿಲ್ಲ ಎನ್ನಲಾಗಿದೆ
