ನವದೆಹಲಿ: ಲಕ್ನೋದಲ್ಲಿನ ಚಳಿಯಲ್ಲಿ ಕಾಟನ್ ಸೀರೆಯುಟ್ಟು ಶೂಟಿಂಗ್ ಮಾಡುತ್ತಿದ್ದ ಬಾಲಿವುಡ್ ನಟಿ ಶಿಲ್ಪಾಶೆಟ್ಟಿ ಈಗ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ವಿಡಿಯೋ ಹಂಚಿಕೊಂಡು ನಿರ್ದೇಶಕ ಸಬ್ಬೀರ್ ಖಾನ್ ಅವರನ್ನು ದೂರಿದ್ದಾರೆ.
ಸಬ್ಬೀರ್ ಖಾನ್ ಅವರ ಮುಂಬರುವ ಚಿತ್ರ ನಿಕಮ್ಮ ಚಿತ್ರದ ಶೂಟಿಂಗ್ ನಲ್ಲಿ ಭಾಗವಹಿಸಿದ್ದ 44 ವರ್ಷದ ನಟಿ ಶಿಲ್ಪಾಶೆಟ್ಟಿ 'ಶೀತ ನಿರ್ದೇಶಕ. ಶೀತ ಹವಾಮಾನ! ಎಂಬ ಶೀರ್ಷಿಕೆಯೊಂದಿಗೆ ಇನ್ಸ್ಟಾಗ್ರಾಮ್ ದಲ್ಲಿ ವಿಡಿಯೋ ಶೇರ್ ಮಾಡಿದ್ದಾರೆ. ಈ ವೀಡಿಯೊದಲ್ಲಿ, ನಿರ್ದೇಶಕ ಸಬ್ಬೀರ್ ಖಾನ್ ಅವರನ್ನು ಟ್ರೋಲ್ ಮಾಡಿದ್ದಾರೆ.
ನಿಕಮ್ಮ ರೋಮ್ಯಾಂಟಿಕ್ ಹಾಸ್ಯವಾಗಿದ್ದು, ಇದರಲ್ಲಿ ಅಭಿಮನ್ಯು ದಸ್ಸಾನಿ ಮತ್ತು ಶೆರ್ಲಿ ಸೆಟಿಯಾ ಕೂಡ ನಟಿಸಿದ್ದಾರೆ. ಒಂದು ದಶಕದ ನಂತರ ಶಿಲ್ಪಾ ಶೆಟ್ಟಿ ತೆರೆಗೆ ಮರಳಿದ್ದಾರೆ. 2007 ರಲ್ಲಿ ಆಪ್ನೆ ಚಿತ್ರದಲ್ಲಿ ಅವರು ಕೊನೆಯ ಬಾರಿಗೆ ದೊಡ್ಡ ಪರದೆಯಲ್ಲಿ ಕಾಣಿಸಿಕೊಂಡರು. ಈ ಹಿಂದೆ 13 ವರ್ಷಗಳ ನಂತರ ಚಲನಚಿತ್ರಗಳಿಗೆ ಮರಳುವ ಬಗ್ಗೆ ಮಾತನಾಡಿದ ಶಿಲ್ಪಾ ಶೆಟ್ಟಿ "ಒಮ್ಮೆ ಒಬ್ಬ ನಟರಾದವರು ಯಾವಾಗಲೂ ನಟರಾಗಿರುತ್ತಾರೆ, ಮತ್ತು ಒಮ್ಮೆ ನೀವು ರಕ್ತವನ್ನು ರುಚಿ ನೋಡಿದರೆ ನೀವು ಅದರಿಂದ ದೂರವಿರಲು ಸಾಧ್ಯವಿಲ್ಲ." ಎಂದು ಹೇಳಿದರು.
ಇನ್ನು ನಿಕಮ್ಮ ಪಾತ್ರದಲ್ಲಿ, ಶಿಲ್ಪಾ ವಿಭಿನ್ನ ರೀತಿಯಲ್ಲಿ" ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಿದರು: "ಚಿತ್ರದ ನಿರ್ದೇಶಕರಾಗಿರುವ ಸಬ್ಬೀರ್ ಖಾನ್ ನನ್ನನ್ನು ವಿಭಿನ್ನ ರೀತಿಯಲ್ಲಿ ಪ್ರಸ್ತುತಪಡಿಸುತ್ತಿದ್ದಾರೆಂದು ನಾನು ಭಾವಿಸುತ್ತೇನೆ, ಅದಕ್ಕಾಗಿ ನಾನು ನಿಜವಾಗಿಯೂ ಉತ್ಸುಕಳಾಗಿದ್ದೇನೆ' ಎಂದರು. ಈ ಚಿತ್ರವು 2020 ರ ಬೇಸಿಗೆಯಲ್ಲಿ ಬಿಡುಗಡೆಯಾಗಲಿದೆ.
