ಸದ್ಯ ಎಲ್ಲೆಲ್ಲೂ ಕೆಜಿಎಫ್ 2 ಸಿನಿಮಾದ್ದೇ ಮಾತು. ಬಾಕ್ಸ್‌ ಆಫೀಸ್‌ನಲ್ಲಿ ಧೂಳೆಬ್ಬಿಸಿದ ರಾಕಿಭಾಯ್ ಸ್ಟೈಲ್‌ನ್ನು ಎಲ್ಲರೂ ಕಾಪಿ ಮಾಡುತ್ತಿದ್ದಾರೆ. ಈ ಸಿನಿಮಾದ ಡೈಲಾಗ್ಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಸಖತ್ ಟ್ರೆಂಡಿಂಗ್ನಲ್ಲಿವೆ. ಇನ್ಸ್ಟಾಗ್ರಾಮ್ನಲ್ಲಿ ಯಶ್ ಡೈಲಾಗ್ಗೆ ಸೆಲೆಬ್ರಿಟಿಗಳು ರೀಲ್ಸ್ ಮಾಡುತ್ತಿದ್ದಾರೆ. ಈ ವಿಡಿಯೋಗಳು ಸಾಕಷ್ಟು ವೀವ್ಸ್‌ ಕೂಡ ಪಡೆಯುತ್ತಿವೆ. ಇದೀಗ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಕೂಡ ಕೆಜಿಎಫ್ 2 ಡೈಲಾಗ್ ಹೊಡೆದಿದ್ದಾರೆ.
ಇದನ್ನೂ ಓದಿ: ಕೆಜಿಎಫ್ 2 ಚಿತ್ರವನ್ನು ವ್ಯಂಗವಾಡಿದ್ರಾ ಬಾಲಿವುಡ್ ನಟ ನವಾಜುದ್ದೀನ್ ಸಿದ್ದಿಕಿ?
ಬಾಲಿವುಡ್ ಸೆಲೆಬ್ರಿಟಿಗಳು ಸಾರ್ವಜನಿಕವಾಗಿ ಕಾಣಿಸಿಕೊಂಡರೆ ಸಾಕು ಪಾಪರಾಜಿಗಳು ಫೋಟೋಗೆ ಪೋಸ್ ನೀಡಲು, ಟ್ರೆಂಡಿಂಗ್ನಲ್ಲಿರುವ ಡೈಲಾಗ್ ಹೇಳಲು ಕೋರುತ್ತಾರೆ. ಇಲ್ಲೂ ಹಾಗೇ ಆಗಿದೆ. ಶಿಲ್ಪಾ ಶೆಟ್ಟಿ ಸಾರ್ವಜನಿಕವಾಗಿ ಕಾಣಿಸಿಕೊಂಡ ವೇಳೆ ಟ್ರೆಂಡಿಂಗ್ನಲ್ಲಿರುವ ಡೈಲಾಗ್ ಹೇಳಲು ಹಾಗೂ ಫೋಟೋಗೆ ಪೋಸ್ ಕೊಡುವಂತೆ ಕೇಳಿದ್ದಾರೆ. ಈ ವೇಳೆ ಶಿಲ್ಪಾ ಶೆಟ್ಟಿ ಕೆಜಿಎಫ್ 2ನ ಫೇಮಸ್ ಡೈಲಾಗ್ ಹೊಡೆದಿದ್ದಾರೆ.
ಕೆಜಿಎಫ್2 ಸಿನಿಮಾದಲ್ಲಿ ರಾಕಿಭಾಯ್ ಹೇಳಿದ "ವಾಯ್ಲೆನ್ಸ್ ವಾಯ್ಲೆನ್ಸ್ ವಾಯ್ಲೆನ್ಸ್.. ಐ ಡೋಂಟ್ ಲೈಕ್ ಇಟ್. ಬಟ್ ವಾಯ್ಲೆನ್ಸ್ ಲೈಕ್ಸ್ ಮಿ, ಐ ಕಾಂಟ್‌ ಅವಾಯ್ಡ್‌" ಎಂದು ಡೈಲಾಗ್ ಹೊಡೆಯುತ್ತಾರೆ. ಇದು ಸಖತ್ ವೈರಲ್ ಆಗಿತ್ತು. ಈ ಡೈಲಾಗ್ಅನ್ನು ಇದೀಗ ಶಿಲ್ಪಾ ಶೆಟ್ಟಿ ಕೂಡ ಹೇಳಿದ್ದಾರೆ.
ಇದನ್ನೂ ಓದಿ: KGF ಚಾಪ್ಟರ್ 3 ನಲ್ಲಿ ನಟಿಸುತ್ತಾರಾ ಡಾರ್ಲಿಂಗ್‌ ಪ್ರಭಾಸ್!?
ಶಿಲ್ಪಾ ಶೆಟ್ಟಿ ಹಾಗೂ ರವೀನಾ ಟಂಡನ್ ನಡುವೆ ಒಳ್ಳೆಯ ಬಾಂಧವ್ಯ ಇದೆ. ರವೀನಾ ಅವರು ಕೆಜಿಎಫ್ 2 ನಲ್ಲಿ ಮಾಡಿರುವ ರಮಿಕಾ ಸೇನ್ ಪಾತ್ರವನ್ನು ಟ್ವೀಟ್ ಮಾಡುವ ಮೂಲಕ ಶಿಲ್ಪಾ ಹೊಗಳಿದ್ದರು.
300 ಕೋಟಿ ರೂಪಾಯಿ ಬಾಚಿದ ‘ಕೆಜಿಎಫ್ 2’:
ಏಪ್ರಿಲ್‌ 14ರಂದು ವಿಶ್ವಾದ್ಯಂತ ಬಿಡುಗಡೆಯಾದ ಕೆಜಿಎಫ್ ಚಾಪ್ಟರ್ 2 ಮೊದಲ ದಿನ ಹಿಂದಿ ವರ್ಷನ್ನಿಂದ 53.95 ಕೋಟಿ ರೂಪಾಯಿ ಕಲೆ ಹಾಕಿತು. ಅಂದಿನಿಂದ ಇಂದಿನವರೆಗೂ ರಾಕಿಭಾಯ್ ಬಾಕ್ಸ್‌ ಆಫೀಸ್‌ ಸುಲ್ತಾನನಾಗಿದ್ದಾರೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
