Chennai Super Kings: கொல்கத்தா அணிக்கு எதிராக நேற்று நடைபெற்ற ஐபிஎல் போட்டியில் சென்னை சூப்பர் கிங்ஸ் அணி 7 விக்கெட் வித்தியாசத்தில் வெற்றி பெற்றுள்ளது.
ஐபிஎல் 2024 போட்டிகள் நாளுக்கு நாள் அதிக எதிர்பார்ப்பை ஏற்படுத்தி வருகிறது. சென்னை சூப்பர் கிங்ஸ் அணி தற்போது 6 புள்ளிகளுடன் புள்ளி பட்டியலில் நான்காவது இடத்தில் உள்ளது.
முதல் இரண்டு போட்டிகளில் வெற்றி பெற்ற சிஎஸ்கே அணி அடுத்த இரண்டு போட்டிகளில் தோல்வி அடைந்தது. இந்நிலையில் நேற்று கேகேஆர் அணிக்கு எதிராக வெற்றி பெற்றுள்ளது.
சென்னை அணி அடுத்ததாக மும்பை வான்கடே மைதானத்தில் மும்பை இந்தியன்ஸ் அணியை வரும் ஞாயிற்றுக்கிழமை எதிர்கொள்கிறது. இந்த போட்டிக்காக பலரும் எதிர்பார்த்து காத்துக் கொண்டுள்ளனர்.
கடந்த ஆண்டு மும்பை அணிக்கு எதிரான இரண்டு போட்டிகளிலும் சென்னை சூப்பர் கிங்ஸின் அபார வெற்றி பெற்றிருந்தது. இதற்கு பலி தீர்க்க மும்பை அணி தயாராகி வருகிறது.
மும்பை இந்தியன்ஸ் அணி தற்சமயம் நான்கு போட்டிகளில் விளையாடி மூன்று போட்டிகளில் தோல்வியுற்று ஒரு போட்டியில் மட்டுமே வெற்றி பெற்று புள்ளி பட்டியலில் எட்டாவது இடத்தில் உள்ளது. அடுத்ததாக பெங்களூர் அணிக்கு எதிராக ஏப்ரல் 11ம் தேதி மும்பையில் விளையாட உள்ளது.
