Udhayanidhi Stalin Old Tweet About Vijay: நடிகர் விஜய் அரசியலுக்கு வந்துள்ளதை தொடர்ந்து, உதயநிதி ஸ்டாலின் பதிவிட்டிருந்த ட்வீட் ஒன்று வைரலாகி வருகிறது.
அரசியலுக்கு வந்த விஜய்:
ரசிகர்களால் ‘தளபதி’ என்று அழைக்கபடும் நடிகர் விஜய், தற்போது வரை தமிழ் திரையுலகின் முன்னணி நடிகராக வலம் வந்து கொண்டிருக்கிறார். ஆனால், இவரது சினிமா பயணம் விரைவிலேயே முடிவடைய உள்ளது. காரணம், விஜய் தனது ‘தமிழக வெற்றி கழகம்’ என்ற அரசியல் கட்சியை தொடங்கியுள்ளார். இதையடுத்து, இவர் எந்த கட்சிக்கு ஆதரவு தெரிவிப்பார், எந்த கட்சிக்கு எதிர்ப்பு தெரிவிப்பார் என்ற கேள்வி வலுத்து வருகிறது.
விஜய்யின் இந்த அரசியல் எண்ட்ரிக்கு அரசியல் கட்சி தலைவர்கள், பிரபலங்கள் என அனைவரும் வாழ்த்து தெரிவித்து வருகின்றனர். இந்த நிலையில், உதயநிதி ஸ்டாலின் விஜய் குறித்து பதிவிட்டுள்ள ட்வீட் ஒன்று வைரலாகி வருகிறது.
உதயநிதி ஸ்டாலினின் ட்வீட்:
மறைந்த முன்னாள் முதலமைச்சர் கருணாநிதியின் பேரனும், முதலமைச்சர் மு.க ஸ்டாலினின் மகனுமான உதயநிதி ஸ்டாலின் தற்போது இளைஞர் நலன் மற்றும் விளையாட்டுத்துறை அமைச்சராக உள்ளார். இவர், அரசியலுக்கு வருவதற்கு முன்பு, திரைப்படங்களில் ஹீரோவாக நடித்து வந்தார். இவர் ஹீரோவாக நடித்திருந்த படம், ‘ஒரு கல் ஒரு கண்ணாடி’. இந்த படம் பெரிய ஹிட் அடித்ததை தொடர்ந்து, உதயநிதி ஸ்டாலினையும் ஒரு நடிகராக ரசிகர்களுக்கு பிடிக்க ஆரம்பித்தது.
@_premkumar comedy pannaadhinga bro! Vijay na kooda poi potti poda naan enna loosaa?
— Udhay (@Udhaystalin) October 30, 2011
இந்த நிலையில், அவர் கடந்த 2011ஆம் ஆண்டு ஒரு ட்வீட்டினை வெளியிட்டுள்ளார். அதில் அவர் ஒருவரை டேக் செய்து, “காமெடி பண்ணாதீங்க ப்ரோ, விஜய் அண்ணா கூட போய் போட்டி போட நான் என்ன லூசா?” என்று கேட்டிருக்கிறார். இவர் ட்வீட் போட்டிருந்த இந்த சமயத்தில் அரசியலுக்கு வரும் ஆசை, உதயநிதிக்கும் இல்லை, விஜய்க்கும் இல்லை. உதயநிதியின் இந்த ட்வீட், தற்போதுள்ள சூழ்நிலைக்கு ஏற்றதாக அமைய, இதனை ரசிகர்கள் தற்போது வைரலாக்கி வருகின்றனர்.
மேலும் படிக்க | G.O.A.T: விஜய்யால் தமிழ் சினிமாவிற்கு எத்தனை கோடிகள் இழப்பா?
நெட்டிசன்களின் ரியாக்ஷன்..
விஜய்யுடன் தன்னால் எப்படி நடிப்பில் போட்டி போட முடியும் என்ற எண்ணத்திலேயே உதயநிதி 2011ஆம் ஆண்டு அந்த ட்வீட்டினை வெளியிட்டிருக்கிறார். ஆனால், வரும் 2026ஆம் ஆண்டு வரும் சட்டமன்ற தேர்தலில் இவர்கள் இருவருமே போட்டியிடுவார்கள் என்பதால், ரசிகர்கள் இதனை ஸ்கிரீன் ஷாட் செய்து மீம்ஸாக மாற்றி வருகின்றனர்.
விஜய்க்கு வாழ்த்து தெரிவித்த உதயநிதி..
நடிகர் விஜய், தனது கட்சி குறித்த அறிவிப்பினை கடந்த பிப்ரவரி 2ஆம் தேதி வெளியிட்டிருந்தார். இதையடுத்து, பல அரசியல் கட்சி தலைவர்கள் மற்றும் பிரபலங்கள் அவருக்கு வாழ்த்துகளை தெரிவிக்க, உதயநிதி ஸ்டாலினும் மக்களுக்காக அரசியலில் இறங்கிய விஜய்க்கு தனது வாழ்த்துகளை தெரிவித்திருந்தார்.
மேலும் படிக்க | Vikranth: விஜய்யின் மகன் எப்படிப்பட்டவர் தெரியுமா? மனம் திறந்த விக்ராந்த்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
