EPF Withdrawal Rules: வேலையை விட்டு வெளியேறுவது அல்லது வேலையை மாற்றுவது ஒரு நபரின் வாழ்க்கையில் ஒரு முக்கியமான நிகழ்வாக இருக்கலாம். வேலையை விட்டு வெளியேறியவுடன் மக்கள் தங்கள் பிஎஃப் கணக்கிலிருந்து சேர்ந்திருக்கும் மொத்த தொகையையும் எடுத்து விடுவதை நாம் அடிக்கடி பார்த்துள்ளோம். பலர் வேலை மாறும்போது தங்கள் பிஎஃப் கணக்கில் டெபாசிட் செய்யப்பட்ட தொகையை எடுக்க ஆசைப்படுகிறார்கள். இது உண்மையில் ஒரு பேராசையே அகும். இப்படிப்பட்ட நடவடிக்கை அந்த நபர்களுக்கு பல இழப்புகளை ஏற்படுத்தலாம். நம் கணக்கில் உள்ள தொகையை நாம் எடுப்பதால், நமக்கு என்ன நஷ்டம் வரும்? அதை பற்றி இந்த பதிவில் விரிவாக காணலாம்.
வேலையை விட்டவுடன் பிஎஃப் கணக்கிலிருந்து பணம் எடுப்பதால் ஏற்படும் இழப்புகள் என்ன?
வரி தாக்கங்கள்:
உங்கள் PF கணக்கிலிருந்து முன்கூட்டியே பணம் எடுக்கும்போது, எடுக்கப்படட் தொகைக்கு வரி விதிக்கப்படும். ஐந்தாண்டுகள் தொடர்ச்சியான சேவையை முடிப்பதற்கு முன்பு இபிஎஃப் தொகையை எடுத்தால், அதற்கு வரி விதிக்கப்படும். இதனால் நீங்கள் பெறும் இறுதித் தொகை கணிசமாகக் குறைய வாய்ப்புள்ளது.
கூட்டு வட்டி:
நீண்ட கால சேமிப்பை ஊக்குவிக்கும் வகையில் பிஎஃப் கணக்கு (PF Account) வடிவமைக்கப்பட்டுள்ளது. மிக விரைவிலேயே தொகையைத் திரும்பப் பெறுவதன் மூலம், கூட்டு வட்டியின் சாத்தியமான பலன்களை நீங்கள் இழக்கக்கூடும். இந்த வட்டி காலப்போக்கில் உங்கள் சேமிப்பை கணிசமாக அதிகரிக்கும் என்பது குறிப்பிடத்தக்கது.
போதிய ஓய்வூதிய சேமிப்பு:
பிஎஃப் கணக்கின் முதல் நோக்கம் உங்கள் பணி ஓய்வு ஆண்டுகளில் நிதிப் பாதுகாப்பை வழங்குவதாகும். முன்கூட்டியே பணத்தை எடுப்பது உங்களுக்கு மிகவும் தேவைப்படும் போது, அதாவது முதுமையில் குறைவான சேமிப்பை உங்களுக்கு வழங்கக்கூடும்.
பணம் வீணாகும் சாத்தியம்:
முன்குட்டியே எடுக்கப்படட் பிஎஃப் தொகை தேவையற்ற செலவுகளுக்காக பயனப்டுத்தப்படலாம், அல்லது குறுகிய கால நிதித் தேவைகளுக்காகப் பயன்படுத்தப்படலாம். இதனால் எதிர்காலத்தில் நீங்கள் நிதி ரீதியாக பாதிக்கப்படலாம். அவசரகால சூழ்நிலையில் நிதி பாதுகாப்பு இருப்பது முக்கியம் என்பதை எப்போதும் கவனத்தில் கொள்ள வேண்டும்.
நிர்வாக சிக்கல்கள்:
முன்கூட்டியே பிஎஃப் தொகையை எடுக்கும் செயல்முறைக்கு நேரம் ஆகலாம். இதற்கு ஆவணங்கள் மற்றும் அரசாங்க அலுவலகங்கள் அல்லது நிறுவனத்தின் மனித வளத் துறையில் பல செயல்முறைகள் அடங்கும். இது அதிக தொந்தரவுகளை ஏற்படுத்தும்.
பிஎஃப் தொகையை எடுக்காமல் இருந்தால் கிடைக்கும் நன்மைகள்
கணக்கைத் தொடரவும்:
ஒருவர் தனது வேலையை மாற்றும்போது, பிஃப் தொகையை முன்கூட்டியே எடுப்பதற்கு பதிலாக, தனது பிஎஃப் கணக்கை உங்கள் புதிய நிறுவனத்திற்கு மாற்றுவதை வழக்கமாக கொள்ள வேண்டும். இது உங்கள் பிஎஃப் (PF) சேமிப்பின் தொடர்ச்சியை உறுதி செய்வதோடு போதுமான ஓய்வூதிய கார்பஸை உருவாக்க உதவுகிறது.
மேலும் படிக்க | 916 BIS: பழைய தங்க நகைகளில் 916 ஹால்மார்க் செய்ய கட்டணம் எவ்வளவு? எங்கு செய்யலாம்?
நாமினிகளின் நியமனம்:
அகால மரணம் ஏற்பட்டால், உங்கள் பிஎஃப் கணக்கு உங்களால் பரிந்துரைக்கப்பட்ட உங்கள் நாமினிகளுக்கு நிதிப் பாதுகாப்பை அளிக்கும். உங்கள் அன்புக்குரியவர்களின் பாதுகாப்பிற்காக உங்கள் பதிவு விவரங்களைப் புதுப்பிப்பதை உறுதிசெய்யவும்.
பகுதியளவு திரும்பப் பெறும் விருப்பங்களை ஆராயுங்கள்:
ஊழியர்களின் வருங்கால வைப்பு நிதி அமைப்பு (EPFO) வீடு வாங்குதல், மருத்துவ அவசரநிலை அல்லது கல்விச் செலவுகள் போன்ற குறிப்பிட்ட நோக்கங்களுக்காக பகுதியளவு திரும்பப் பெற அனுமதிக்கிறது. உங்கள் கணக்கைக் காலி செய்வதற்குப் பதிலாக, தேவைப்படும்போது இந்த விருப்பங்களைப் பயன்படுத்தவும்.
வேலையை விட்டு வெளியேறும் போது உங்கள் பிஎஃப் கணக்கிலிருந்து பணத்தை எடுப்பது பணத்தைப் பெறுவதற்கான விரைவான தீர்வாகத் தோன்றினாலும், அது பல இழப்புகளுக்கு வழிவகுக்கும் என்பது குறிப்பிடத்தக்கது. இதில் வரிவிதிப்பு, நீண்ட கால லாப இழப்பு மற்றும் நிதி பாதுகாப்பில் குறைப்பு ஆகியவை அடங்கும். உங்கள் பிஎஃப் கணக்கின் பலன்களை அதிகரிக்க, அதை செயலில் வைத்திருப்பது, உங்கள் புதிய நிறுவனத்திற்கு மாற்றுவது, பகுதியளவு திரும்பப் பெறுவது போன்ற வசதிகளை புத்திசாலித்தனமாகப் பயன்படுத்தவும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
