Maharashtra Lok Sabha Election Phase 3 Voting LIVE: लोकसभा निवडणुकीच्या तिसऱ्या आणि निर्णायक टप्प्यासाठी आज मतदान होणार आहे. यामध्ये महाराष्ट्रातील 11, तर देशातील 12 राज्यातील 94 मतदारसंघांमध्ये ही निवडणूक होतेय. महाराष्ट्रातील ज्या 11 मतदारसंघात मतदान होणाराय, त्यामध्ये पश्चिम महाराष्ट्रासह, रायगड, रत्नागिरी-सिंधुदुर्गचा समावेश आहे. याठिकाणी पवार, नारायण राणे, उदयनराजे भोसले, छत्रपती शाहू महाराज, राजू शेट्टी अशा अनेक दिग्गजांची प्रतिष्ठा पणाला लागली आहे.
7 May 2024, 08:52 वाजता
रोहित पवारांनी सहकुटुंब बजावला मतदानाचा हक्क
शरद पवार गटाचे आमदार रोहित पवार यांनी पिंपळी (बारामती) येथे मतदानाचा हक्क बजावला. "पिंपळी (बारामती) इथं आई, बाबा, पत्नी आणि ताई यांच्यासमवेत सहकुटुंब लोकशाहीतील सर्वांत पवित्र मतदानाचा हक्क बजावला," अशी कॅप्शन देत त्यांनी मतदानकेंद्रावरील फोटो शेअर केले आहेत.
पिंपळी (बारामती) इथं आई, बाबा, पत्नी आणि ताई यांच्यासमवेत सहकुटुंब लोकशाहीतील सर्वांत पवित्र मतदानाचा हक्क बजावला…
तुम्हीही मतदान करा आणि गुंडगिरी, दडपशाहीला गाडून लोकशाही बळकट करा.. pic.twitter.com/u8X0wmH0mB
— Rohit Pawar (@RRPSpeaks) May 7, 2024
"तुम्हीही मतदान करा आणि गुंडगिरी, दडपशाहीला गाडून लोकशाही बळकट करा," असं आवाहन रोहित पवारांनी केलं आहे.
7 May 2024, 08:49 वाजता
सिंधुदुर्ग : पत्नीने औक्षण केल्यानंतर नारायण राणे मतदानासाठी रवाना
सिधुदुर्गमधील माहयुतीचे उमेदवार नारायण राणेंचं मतदानासाठी घराबाहेर पडले आहेत. पत्नीने औक्षण केल्यानंतर राणे घराबाहेर पडले. त्यांनी मंदिरात जाऊन दर्शनही घेतलं.
7 May 2024, 08:43 वाजता
'बारामतीत पोलीस बंदोबस्तात पैशांचा पाऊस', 'मध्यरात्रीनंतरही बँक सुरु'; कारमध्ये 500 च्या नोटा
बारामती मतदारसंघामध्ये निवडणुकीच्या पूर्वसंध्येला मतदारांना पोलीस संरक्षणामध्ये पैसे वाटप झाल्याचा गंभीर आरोप शरद पवार गटाचे आमदार रोहित पवार यांनी केला आहे. रोहित पवार यांनी यासंदर्भातील काही फोटो आणि व्हिडीओ त्यांच्या एक्स (आधीचं ट्वीटर) अकाऊंटवरुन पोस्ट केले आहेत. येथे क्लिक करुन पाहा बारामतीमध्ये नेमकं काय घडलं याचे फोटो आणि व्हिडीओ...
7 May 2024, 08:28 वाजता
Maharashtra Lok Sabha Election Phase 3 Voting LIVE: लातूरमध्ये देशमुख कुटुंबीयांकडून मतदान
लातूरमध्ये रितेश देशमुख, जिनिलिया देशमुख, धीरज देशमुख आणि दीपशिखा देशमुख यांनी बजावला मतदानाचा हक्क. अभिनेता रितेश देशमुख यानं यावेळी मोठ्या संख्येनं मतदान करण्यातं आवाहन केलं. तिथं बारामतीतही पवार कुटुंबातील सदस्यांनी बजावला मतदानाचा हक्क.
7 May 2024, 08:04 वाजता
Maharashtra Lok Sabha Election Phase 3 Voting LIVE: ईव्हीएम मशीनमध्ये बिघाड
दक्षिण सोलापूर तालुक्यातील गंगेवाडी येथील मतदान केंद्रावर व्हीव्हीपॅट मशीन मध्ये तांत्रिक अडचण निर्माण झाल्याचं म्हटलं जात आहे. व्हीव्हीपॅट बंद असल्या कारणानं गेल्या 15 ते 20 मिनिटांपासून मतदान थांबलं आहे. दोन वेळा मशीन बदलून पाहिल्यानंतरही देखील मशीनमध्ये तांत्रिक अडचण समोर येत असल्याची माहिती आहे. सध्या मशीन दुरुस्तीसाठी इंजिनीअर्स बुथकडे रवाना झाले असून, गरज वाटल्यास इथं मशीन बदलणार असल्याचं म्हटलं जात आहे.
7 May 2024, 07:34 वाजता
Maharashtra Lok Sabha Election Phase 3 Voting LIVE: मतदानासाठी आले शाहू महाराज छत्रपती
कोल्हापुरातून निवडणुकीच्या रिंगणात असणारे आणि संजय मंडलिक यांच्याविरोधात उमेदवारी मिळालेले शाहू महाराज छत्रपती, संभाजीराजे छत्रपती आणि कुटुंबीयांनी बजावला मतदानाचा हक्क.
7 May 2024, 07:34 वाजता
Maharashtra Lok Sabha Election Phase 3 Voting LIVE: मतदानासाठी आले शाहू महाराज छत्रपती
कोल्हापुरातून निवडणुकीच्या रिंगणात असणारे आणि संजय मंडलिक यांच्याविरोधात उमेदवारी मिळालेले शाहू महाराज छत्रपती, संभाजीराजे छत्रपती आणि कुटुंबीयांनी बजावला मतदानाचा हक्क.
7 May 2024, 07:33 वाजता
Maharashtra Lok Sabha Election Phase 3 Voting LIVE: आसामपासून महाराष्ट्रापर्यंत... आज 'या' टॉप 10 उमेदवारांचं भविष्य मतपेटीत होणार कैद; माजी CM चा समावेश
आज 12 राज्यांमध्ये 94 मतदारसंघांसाठी लोकसभेच्या 2024 च्या निवडणुकीतील तिसऱ्या टप्प्यात मतदान पार पडत आहे. यामध्ये महाराष्ट्रातील 11 मतदारसंघांचाही समावेश आहे. आज पार पडत असलेल्या तिसऱ्या टप्प्यातील मतदानामध्ये कोणाकोणचं भविष्य मतपेटीमध्ये कैद होणार आहे पाहा संपूर्ण यादी येथे क्लिक करुन...
7 May 2024, 07:29 वाजता
Maharashtra Lok Sabha Election Phase 3 Voting LIVE: निवडणुकीच्या तिसऱ्या टप्प्यात 7 केंद्रीय मंत्री, 5 माजी मुख्यमंत्री मैदानात...
7 केंद्रीय मंत्र्यांमध्ये खालील नावांचा समावेश
- अमित शहा, गृहमंत्री
- मनसुख मांडविया, आरोग्य मंत्री
- ज्योतिरादित्य सिंधिया, केंद्रीय विमान वाहतूक मंत्री
- नारायण राणे, केंद्रीय मंत्री
- एस पी सिंह, केंद्रीय आरोग्य राज्यमंत्री
- श्रीपद येसो नाईक, पर्यटन राज्यमंत्री
- प्रल्हाद जोशी, संसदीय कार्यमंत्री
माजी मुख्यमंत्र्यांची यादी
- नारायण राणे, महाराष्ट्र
- शिवराज सिंह चौहान, मध्यप्रदेश
- दिग्विजय सिंह, मध्यप्रदेश
- बसवराज बोम्मई, कर्नाटक
- जगदीश शेट्टार, कर्नाटक
7 May 2024, 07:26 वाजता
Maharashtra Lok Sabha Election Phase 3 Voting LIVE: मतदानाला सुरुवात
साताऱ्यात उदयनराजे भोसले, त्यांच्या आई कल्पनाराजे भोसले आणि पत्नी दमयंतीराजे भोसले यांनी बजावला मतदानाचा हक्क
