Tillu Square Update: చిన్న బడ్జెట్ సినిమాగా వచ్చి పెద్ద విజయం సాధించిన చిత్రం సిద్దు జొన్నలగడ్డ డీజే టిల్లు. ఆ సినిమా ఎటువంటి అంచనాలు లేకుండా విడుదలై మంచి విజయం సాధించింది. ఇక ఆ చిత్రం చివరిలోనే సినిమాకి సీక్వెల్ ఉంది అంటూ హింట్ ఇచ్చారు చిత్రమే. ఇక అదే రుజువు చేస్తూ గత కొద్ది రోజుల క్రితం టిల్లు స్క్వేర్ అంటూ ఆ చిత్ర సీక్వెల్ ని సైతం ప్రకటించాడు.
అయితే ఈ రెండో భాగం షూటింగ్ మొదలైన దగ్గర నుంచి ఏదో ఒక కష్టకాలం ఎదుర్కొంటూనే వస్తుంది. ఈ చిత్రంలో పలు మార్పుల వల్ల పలుసార్లు వాయిదాలు పడుతూ నత్తనడకగా షూటింగ్ షెడ్యూల్ ముగించుకుంది. సినిమాలో హీరోయిన్ దగ్గర నుంచి దర్శకుడు వరకు ఎన్నో మార్పులు చేర్పులు జరుగుతా వచ్చాయి. ఇక ఆ అడ్డంకులన్నీ దాటుకొని షూటింగ్ ముగించుకొని మరికొద్ది రోజుల్లో ఈ సినిమా ప్రేక్షకుల ముందుకి రానుంది. సినిమా విడుదల తేదీ విషయంలో కూడా కొన్ని వాయిదాలు పడగా.. మార్చి 29న ఈ చిత్రాన్ని విడుదల చేస్తామంటూ మేకర్స్ ఫైనల్ గా ధ్రువీకరించారు.
అంటే ఈ సినిమా విడుదలకు ఇక కేవలం ఇంచుమించు 10 రోజుల సమయం మాత్రమే ఉంది. ఇక ఎన్ని అడ్డంకులు దాటుకో వచ్చిన ఈ చిత్రం ఇప్పుడు మరో సమస్య ఎదుర్కోక తప్పెది లేదనిపిస్తోంది. అదేమిటంటే సినిమాలకు ఎంతో ముఖ్యమైన ప్రమోషన్స్ ఈ చిత్రానికి లోపంగా కనిపిస్తున్నాయి.
అసలు విషయానికి వస్తే ఈ సినిమా యూనిట్ ఇంకా చివరి నిమిషం ప్యాచప్ షూటింగ్ లో బిజీగా ఉన్నారట. అందుకే ఈ చిత్రం హీరో సిద్దు జొన్నలగడ్డతో సహా ఎవరూ బయటికి రాలేని పరిస్థితి నెలకొంది. దీంతో ఈ సినిమా ప్రమోషన్స్ ఇంకా కూడా మొదలు కాలేదు.
ఒకటి రెండు రోజుల్లో ఈ చిత్ర ప్యాచప్ పూర్తవుతుందని అంటున్నారు కానీ ఆ వెంటనే బ్యాలన్స్ డబ్బింగ్, పోస్ట్ ప్రొడక్షన్ పనులు చాలా త్వరగా చేయాల్సి ఉంటుంది. పైగా సెన్సార్ ఫార్మాలిటీని కూడా ఈ సినిమా పూర్తి చేసుకోవాల్సి ఉంది. ఈ పనులన్నీ కూడా ఈ చిత్ర దర్శకుడితోపాటు సిద్దు జొన్నలగడ్డ ఇదంతా స్వయంగా చూసుకుంటున్నాడు అని వినికిడి.
మరి ఇలాంటి సమయంలో ఈ సినిమాని కరెక్టుగా ప్రమోద్ చేసి ఇక 10 రోజుల్లో విడుదల చేయగలతాడా అనేది పెద్ద డౌట్. కానీ ఈ సినిమా యూనిట్ మాత్రం ఈ విడుదల తేదీని అస్సలు వదులుకోకూడదు అనుకుంటున్నారట. ఎందుకంటే ప్రస్తుతంసుమారు నలభై రోజులకు పైగా బాక్సాఫీస్ దగ్గర ఏర్పడిన గ్యాప్ ని సరిగ్గా వాడుకుంటే కలెక్షన్ల మోత మోగుతుంది. అంతేకాకుండా ఈ విడుదల తేదీ వదులుకుంటే మరల ఇంత మంచి రిలీజ్ డేట్ త్వరలో అయితే లేదు. ఏప్రిల్ నెలలో ఫ్యామిలీ స్టార్ మే నెలలో కల్కి ఇక ఎలక్షన్స్ ఉండడంతో.. ఈ సినిమా మార్చ్ 29న విడుదల కావడం కలెక్షన్స్ పరంగా ఈ చిత్రానికి శ్రేయస్కరం.
మరి ఇలాంటి పరిస్థితుల్లో టిల్లు స్క్వేర్ ఇలా ప్రమోషన్స్ గురించి ఆలోచించకపోవడం చిత్రానికి సమస్య తీసుకురావచ్చని అభిమానులు అభిప్రాయపడుతున్నారు. మరి ఈ సమస్యని సిద్దు జొన్నలగడ్డ. ఇక టిల్లు స్క్వేర్ టీం ఎలా పరిష్కరిస్తారో చూడాలి.
Also Read: Kavitha Raids: ఎమ్మెల్సీ కవితకు బిగుస్తున్న ఉచ్చు.. ఇంటిపై ఈడీ, ఐటీ దాడులు
Also Read: Kavitha Arrest Updates: ఎమ్మెల్సీ కవిత అరెస్ట్‌.. హైదరాబాద్ నుంచి ఢిల్లీకి
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
