ವಿದ್ಯಾರ್ಥಿನಿಯರು ಹುಟ್ಟುಹಬ್ಬ ಆಚರಿಸಿಕೊಳ್ಳುವಂತಿಲ್ಲ.. ರಾಜಕೀಯ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವಂತಿಲ್ಲ: ಕಾಲೇಜಿನ ಖಡಕ್ ಆದೇಶ

Pakistan News: ರಾಜಕೀಯ ಕಾರ್ಯಕ್ರಮಗಳು, ಹುಟ್ಟುಹಬ್ಬದ ಆಚರಣೆಗಳು ಮತ್ತು ಇತರ ಪಠ್ಯೇತರ ಚಟುವಟಿಕೆಗಳಲ್ಲಿ ಭಾಗವಹಿಸದಂತೆ ಸರ್ಕಾರಿ ಸ್ನಾತಕೋತ್ತರ ಕಾಲೇಜು ವಿದ್ಯಾರ್ಥಿನಿಯರಿಗೆ ನಿರ್ದೇಶನ ನೀಡಲಾಗಿದೆ. 

ಕಾಲೇಜಿನ ಮುಖ್ಯ ಪ್ರೊಕ್ಟರ್ ಪ್ರೊ.ರಿಯಾಜ್ ಮೊಹಮ್ಮದ್ ಅವರು ಈ ಸೂಚನೆಗಳನ್ನು ಔಪಚಾರಿಕವಾಗಿ ಹೊರಡಿಸಿದ್ದಾರೆ. ಸ್ಥಳೀಯ ಪದ್ಧತಿಗಳನ್ನು ಅನುಸರಿಸುವ ಮಹತ್ವವನ್ನು ಒತ್ತಿ ಹೇಳಿದ ಪ್ರೊ.ರಿಯಾಜ್ ಮೊಹಮ್ಮದ್, ಈ ಆದೇಶ ವಿದ್ಯಾರ್ಥಿನಿಯರ ಹಿತದೃಷ್ಟಿಯಿಂದ ಕೂಡಿದೆ ಎಂದು ಹೇಳಿದ್ದಾರೆ.

ಪಾಕಿಸ್ತಾನಿ ಪತ್ರಿಕೆ ವರದಿಯ ಪ್ರಕಾರ, ಕೆಲವು ಸಹ-ಶಿಕ್ಷಣ ಪದ್ಧತಿಯುಳ್ಳ ಕಾಲೇಜುಗಳಲ್ಲಿ ಅಹಿತಕರ ಘಟನೆಗಳು ಬೆಳಕಿಗೆ ಬಂದಿವೆ. ಆದ್ದರಿಂದ ತಮ್ಮ ಕಾಲೇಜು ಅಂತಹ ಘಟನೆಗಳನ್ನು ತಡೆಯಲು ಈ ಕ್ರಮ ಕೈಗೊಂಡಿದೆ ಎಂದು ಪ್ರೊ.ರಿಯಾಜ್ ಮೊಹಮ್ಮದ್ ಹೇಳಿದ್ದಾರೆ. 

ಇದನ್ನೂ ಓದಿ: UAE ಯಲ್ಲಿ ಮತ್ತೆ ಭಾರಿ ಮಳೆ : ಶಾಲೆ, ಕಚೇರಿಗಳಿಗೆ ರಜೆ ಘೋಷಣೆ

ಮಹಿಳೆಯರಿಗೆ ಬದುಕಲು ಅತ್ಯಂತ ಸವಾಲಿನ ದೇಶಗಳಲ್ಲಿ ಪಾಕಿಸ್ತಾನವೂ ಒಂದು ಎಂಬುದು ಗಂಭೀರವಾದ ವಾಸ್ತವ. ಸಾಮಾಜಿಕ ಹಕ್ಕುಗಳ ನಿರಾಕರಣೆ, ತಾರತಮ್ಯ, ಅತ್ಯಾಚಾರ, ಅಪಹರಣ, ಬಲವಂತದ ಮದುವೆ ಮತ್ತು ಬಲವಂತದ ಗರ್ಭಪಾತದಂತಹ ದುಷ್ಟತನಗಳು ಪಾಕಿಸ್ತಾನದ ಮಹಿಳೆಯರಿಗೆ ಬದುಕಿರುವಾಗಲೇ ನರಕ ತೋರಿಸುತ್ತವೆ. 

ಅನೇಕ ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಅಧ್ಯಯನಗಳು ಪಾಕಿಸ್ತಾನದಲ್ಲಿ ಮಹಿಳೆಯರ ಅಭದ್ರತೆಯನ್ನು ದೃಢಪಡಿಸುತ್ತವೆ. ವಿಶ್ವ ಆರ್ಥಿಕ ವೇದಿಕೆಯ 2018 ರ ವರದಿಯ ಪ್ರಕಾರ, ಮಹಿಳಾ ಸಬಲೀಕರಣದ ವಿಷಯದಲ್ಲಿ ಪಾಕಿಸ್ತಾನವು 149 ದೇಶಗಳಲ್ಲಿ 148 ನೇ ಸ್ಥಾನದಲ್ಲಿದೆ.

ದುಃಖಕರವೆಂದರೆ, ಪಾಕಿಸ್ತಾನಿ ಮಹಿಳೆಯರು ಸಾಮಾನ್ಯವಾಗಿ ತಮ್ಮನ್ನು ಸಾಂಸ್ಕೃತಿಕವಾಗಿ ಅಂಚಿನಲ್ಲಿರುವಂತೆ ಕಾಣುತ್ತಾರೆ. ದೇಶದಲ್ಲಿ ಮಹಿಳಾ ಸಾಕ್ಷರತೆಯ ಪ್ರಮಾಣವು ಶೇಕಡಾ 45 ರಷ್ಟಿದೆ. ಪುರುಷರ ಸಾಕ್ಷರತೆಯ ಪ್ರಮಾಣ ಶೇಕಡಾ 69 ಕ್ಕಿಂತ ಕಡಿಮೆಯಾಗಿದೆ. ಪೋಷಕರ ಅನಕ್ಷರತೆ ಮತ್ತು ಮಹಿಳೆಯರಿಗೆ ಸಂಬಂಧಿಸಿದ ಇಸ್ಲಾಮಿಕ್ ಬೋಧನೆಗಳ ತಪ್ಪು ವ್ಯಾಖ್ಯಾನಗಳು ಈ ಅಸಮಾನತೆಗೆ ಕಾರಣ ಎಬ ಅಭಿಪ್ರಾಯವಿದೆ.

ಲಿಂಗ ಅಸಮಾನತೆಯು ಜಾಗತಿಕ ಕಾಳಜಿಯಾಗಿದೆ, ಆದರೆ ಅದರ ಪರಿಣಾಮವು ಪಾಕಿಸ್ತಾನದಲ್ಲಿ ಆಳವಾಗಿ ಅನುಭವಿಸಲ್ಪಟ್ಟಿದೆ ಎಂದು ದಿ ನೇಷನ್ ವರದಿ ಮಾಡಿದೆ. 

ಇದನ್ನೂ ಓದಿ: ಪಾಕಿಸ್ತಾನದ ಜೇಬು ತುಂಬಿಸುವ IMF ಇಷ್ಟೊಂದು ಹಣ ಎಲ್ಲಿಂದ ತರುತ್ತದೆ?

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.