Tribals Favorite Red Ant Pickle: ఎర్రచీమలు అనగానే మనకు ముందుగా గుర్తుకువచ్చేది అవి కుట్టడం వల్ల నొప్పి కలుగుతుందని అనే అభిప్రాయం మనందరికీ ఉంటుంది. కానీ ఆ ఎర్రచీమల గుడ్లతో రుచికరమైన పచ్చడి, కూరలు కూడా చేస్తారని ఎప్పుడైనా విన్నారా? నమ్మలేకపోతున్నారా?
ఈ సమ్మర్‌లో తెలంగాణ - ఛత్తీస్‌గఢ్ సరిహద్దు అడవులలో నివసించే గిరిజనులు ఈ ఎర్రచీమల గుడ్ల కోసం అడవుల్లోకి వెళ్ళి సేకరిస్తారు. ప్రకృతితో మమేకమైన వీరు అడవి వనరులనే జీవనాధారంగా చేసుకుంటూ, అడవి పండ్లు, ఆకుకూరలు, కూరగాయలతో పాటు ఈ ఎర్రచీమల గుడ్లను కూడా ఆహారంగా తింటారు. అయితే ఈ గుడ్లలను ఎలా సేకరిస్తారు. వీటితో కూర ఎలా తయారు చేస్తారు అనేది మనం తెలుసుకుందాం.
ఎర్రచీమల గుడ్లు సేకరణ విధానం:
ఈ ఎర్ర చీమల గుడ్లు సేకరణ ఎక్కువగా ఏప్రిల్, మే నెలల్లో దట్టమైన అడవుల్లోకి వెళ్లి పెద్ద చెట్లపై ఉన్న చీమల గూళ్లను జాగ్రత్తగా పగులగొట్టి లోపల దొరికే ఎర్రచీమల గుడ్లను సేకరిస్తారు. చీమలు కుట్టడం వల్ల కలిగే నొప్పిని లెక్కచేయకుండా వీరు ఈ పనిని చేస్తారు. ఇది వీరికి ఆహారం మాత్రమే కాదు, వ్యాపారం కూడా. సేకరించిన ఎర్రచీమల గుడ్లను కొంత భాగం స్వంతంగా వాడుకోవడంతో పాటు, మిగిలిన వాటిని ఛత్తీస్‌గఢ్‌లోని వారాంతపు సంతల్లో అమ్ముతూ కొంత ఆదాయం కూడా సంపాదిస్తారు.
ఎర్రచీమల గుడ్ల పచ్చడి తయారీ:
ఇంటికి తీసుకువచ్చిన ఎర్రచీమల గుడ్లను శుభ్రం చేసి, ఉడికించి, ఉల్లిపాయలు, పచ్చిమిర్చి కలిపి నూరుతారు. చివరగా ఉప్పు వేసి బాగా కలిపి, వేడి వేడి అన్నంతో తింటే ఆ రుచి అమృతంలా ఉంటుందని గిరిజనులు చెబుతారు. పచ్చడితో పాటు ఈ గుడ్లతో కూర కూడా చేసుకుంటారు.
ప్రయోజనాలు:
ఎర్రచీమల గుడ్లలో అధిక మొత్తంలో ప్రోటీన్ ఉంటుందని నమ్ముతారు గిరిజనులు. ఇది కండరాల పెరుగుదలకు సహాయపడుతుంది. ఎర్రచీమల గుడ్లలో ఒమెగా-3 కొవ్వు ఆమ్లాలు వంటి ఆరోగ్యకరమైన కొవ్వులు ఉండవచ్చని కొందరు నమ్ముతారు ఇవి గుండె ఆరోగ్యానికి మంచివి. ఎర్రచీమల గుడ్లలో యాంటీఆక్సిడెంట్లు ఉండవచ్చని నమ్ముతారు ఇవి శరీరాన్ని ఫ్రీ రాడికల్స్ వల్ల కలిగే నష్టం నుంచి రక్షించడంలో సహాయపడతాయి.ఎర్రచీమల గుడ్లలో శక్తి స్థాయిలను పెంచడంలో సహాయపడే పోషకాలు ఉండవచ్చని కొందరు నమ్ముతారు.
గమనిక:
ఎర్రచీమల గుడ్లను సేకరించేటప్పుడు జాగ్రత్త వహించాలి. చీమలు కుట్టకుండా జాగ్రత్తగా వ్యవహరించాలి.
ఎర్రచీమల గుడ్ల పచ్చడి అందరికీ నచ్చకపోవచ్చు. కొంతమందికి దీని రుచి కొత్తగా ఉండవచ్చు.
ఈ వంటకం గురించి మరింత సమాచారం కోసం, మీరు స్థానిక గిరిజనులను సంప్రదించవచ్చు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
