Lucky Auspicious Dream: ഉറങ്ങുമ്പോൾ സ്വപ്നം കാണാത്തവർ വളരെ കുറവായിരിക്കും. ഉറങ്ങമ്പോൾ കാണുന്ന സ്വപ്നമല്ല ഉണർന്നിരിക്കുമ്പോൾ കാണുന്ന സ്വപ്നമാണ് ജീവിതത്തിൽ വിജയം കൊണ്ടു വരുക എന്നൊക്കെ പറയുമെങ്കിലും ഉറക്കത്തില‍്‍ കാണുന്ന സ്വപ്നങ്ങളും നൽകുന്നത് ചില സൂചനകളാണ്. ഇവ ഭാവിയിൽ നിങ്ങളുടെ ജീവിതത്തിൽ സംഭവിച്ചേക്കാവുന്ന ചില കാര്യങ്ങളെ കുറിച്ചുള്ള മുന്നറിയിപ്പാണ്.
സ്വപ്ന ശാസ്ത്ര പ്രകാരം നാം സ്വപ്നത്തിൽ കാണുന്ന എല്ലാത്തിനും വ്യക്തമായ കാരണവും അർത്ഥവും ഉണ്ട്. അത്തരത്തിൽ നാം സ്വപ്നത്തിൽ കാണാറുള്ള 5 കാര്യങ്ങൾ എന്ത് സൂചനയാണ് നൽകുന്നതെന്നാണ് ഇവിടെ പറയുന്നത്.
സ്വപ്നത്തിൽ വെള്ളവുമായി ബന്ധപ്പെട്ട് എന്തെങ്കിലും കാണുകയാണെങ്കില്ഡ അത് സുഭകരമായി കാണുന്നു.ജീവിത്തിൽ സാമ്പത്തികമായി നല്ല കാലം വരാൻ പോകുന്നുവെന്നാണ് ലഭിക്കുന്ന സൂചന. മാത്രമല്ല ലക്ഷ്മി ദേവിയുടെ അനുഗ്രഹം നിങ്ങളിൽ എപ്പോഴും ഉണ്ടാകുമെന്നും കണക്കാക്കുന്നു.
സ്വപ്നത്തിൽ ഒരു പുല്ലാങ്കുഴൽ അല്ലെങ്കിൽ ഓടക്കുഴൽ കാണുകയോ അല്ലെങ്കിൽ പുല്ലാങ്കുഴൽ ആരെങ്കിലും വായിക്കുന്നതായോ സ്വപ്നം കാണുകയാണെങ്കിൽ അതൊരു ശുഭ സൂചനയാണ് നൽകുന്നത്. അതായത് നിങ്ങൾ ഏറെ നാളായി പ്രിയപ്പെട്ട ആരോടെങ്കിലും തർക്കത്തിലുണ്ടെങ്കിൽ അവരുമായി നന്നാവും. മാത്രമല്ല ജീവിതത്തിൽ സന്തോഷം, സമാധാനം, സമ്പത്ത് എന്നിവ വരാൻ പോകുന്നുവെന്നും സൂചന.
ഇപ്പോൾ മാമ്പഴത്തിന്റെ സീസൺ ആണ്. മാർക്കറ്റുകളിലെല്ലാം വ്യത്യസ്ഥ ഇനത്തിലും രുചിയിലും പെട്ട മാമ്പഴങ്ങൾ ലഭിക്കും. ഇനി സ്വപ്നത്തിന്റെ കാര്യത്തിലേക്ക് വരുമ്പോൾ നിങ്ങൾ മാമ്പഴം സ്വപ്നം കാണുകയാണെങ്കിൽ അത് ഒരു ശുഭ സൂചനയാണ് നൽകുന്നത്. നിങ്ങളുടെ ജീവിതത്തിൽ നിങ്ങളെ അലട്ടിക്കൊണ്ടിരിക്കുന്ന പ്രശ്നങ്ങൾ ഉടൻ മാറുമെന്നും നല്ല കാലം വരാൻ പോകുന്നുവെന്നുമാണ് ഇത് നൽകുന്ന സൂചന. മാത്രമല്ല ജീവിത്തിൽ പുരോഗതി ഉണ്ടാകുമെന്നും നല്ല കാലം വരുമെന്നും ഇത് സൂചിപ്പിക്കുന്നു.
സ്വപ്ന ശാസ്ത്രമനുസരിച്ച്, സ്വപ്നത്തിൽ കാക്ക പറക്കുന്നത് കാണുന്നത് വളരെ ശുഭകരമായി കണക്കാക്കപ്പെടുന്നു. ഇതിനർത്ഥം നിങ്ങളുടെ മോശം ദിവസങ്ങൾ ഉടൻ അവസാനിക്കുമെന്നും നല്ല ദിവസങ്ങൾ ആരംഭിക്കുമെന്നും. സ്വപ്നത്തിൽ കാക്കയെ കണ്ടാൽ അക്കാര്യം മറ്റാരോടും പറയരുതെന്നാണ് പറയപ്പെടുന്നത്.
വിടർന്ന താമരപ്പൂവ് സ്വപ്നം കാണുന്നത് വളരെ ശുഭകരമായി കണക്കാക്കപ്പെടുന്നു. നിങ്ങളുടെ ജീവിതത്തിലെ പ്രശ്വൃനങ്ങളെല്ലാം മാറി ശുഭയോഗങ്ങൾ രൂപപ്പെടുന്നുവെന്നാണ് ഇത് നൽകുന്ന സൂചന. ഭാവിയിൽ സാമ്പത്തിക നേട്ടം ഉണ്ടാകുമെന്നും കുറേക്കാലമായി സാധിക്കാതെ പോയ കാര്യങ്ങളെല്ലാം ഉടൻ നടക്കുമെന്നും സൂചന. (നിരാകരണം: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്. സീ മലയാളം ന്യൂസ് ഇത് സ്ഥിരീകരിക്കുന്നില്ല.)
