Saudi Vellakka OTT : 'സൗദി വെള്ളക്ക' ഒടിടിയിലേക്ക്; എപ്പോൾ, എവിടെ കാണാം?

തിയറ്ററിൽ മികച്ച അഭിപ്രായം നേടിയെടുത്ത 'സൗദി വെള്ളക്ക' ഒടിടി റിലീസിന് ഒരുങ്ങുന്നു. ചിത്രത്തിന്റെ ഡിജിറ്റൽ അവകാശം സ്വന്തമാക്കിയ സോണി ലിവിലൂടെ ജനുവരി ആറ് മുതലാണ് ചിത്രം റിലീസ് ചെയ്യുന്നത്. ഓപ്പറേഷൻ ജാവയ്ക്ക് ശേഷം തരുൺ മൂർത്തി ഒരുക്കിയ ചിത്രമാണ് സൗദി വെള്ളക്ക. ഡിസംബർ 9ന് തിയേറ്ററുകളിലെത്തിയ ചിത്രത്തിന് ​ഗംഭീര പ്രതികരണമാണ് പ്രേക്ഷകരിൽ നിന്ന് ലഭിച്ചിരുന്നു. രാഷ്ട്രീയപരമായും മറ്റും ബന്ധപ്പെട്ടുള്ള കേരളത്തിലെ കാലിക പ്രസ്കതിയുള്ള വിഷയങ്ങളെ കുറിച്ച് പറയുന്ന ചിത്രം കോടതി പശ്ചാത്തലത്തിലാണ് ഒരുക്കിയിരിക്കുന്നത്.

ഗോവയിലെ അന്താരാഷ്ട്ര ചലച്ചിത്രോത്സവത്തിലെ ഇന്ത്യൻ പനോരമയിലേക്ക്  'സൗദി വെള്ളക്ക' തെരഞ്ഞെടുക്കപ്പെട്ടിരുന്നു. തൊണ്ടിമുതലും ദൃസാക്ഷിയും എന്ന ചിത്രത്തിന്റെ നിർമാതാവായ സന്ദീപ് സേനനാണ് ചിത്രം നിർമ്മിച്ചിരിക്കുന്നത്. ഉർവശി തിയറ്റേഴ്സിന്റെ ബാനറിലാണ് നിർമ്മാണം.

ALSO READ : Nivin Pauly : വെറും രണ്ട് മാസം മതി; വമ്പൻ മേക്ക് ഓവറിലൂടെ കളിയാക്കലുകൾക്ക് മറുപടി നൽകി നിവിൻ പോളി

പെട്ടോ പെട്ടില്ലയോ എന്നൊക്കെ ഈ വെള്ളിയാഴ്ച്ച അറിയാം! പച്ചയായ ജീവിതകഥകൾ മനോഹരമായി പറയുന്ന സൗദി വെള്ളക്ക Jan 6 മുതൽ Sony LIVൽ.

TRENDING NOW

news

Releasing In: Malayalam | Tamil | Telugu | Kannada | Hindi#SaudiVellakka #SonyLIV #SaudiVellakkaOnSonyLIV@tharun_moorthy @sandipsenan @urvasitheatres pic.twitter.com/OpMjv53mtT

— Sony LIV (@SonyLIV) January 3, 2023

ഓപ്പറേഷൻ ജാവയ്ക്ക് മുമ്പായി ആദ്യ സിനിമയായി തരുൺ മൂർത്തി സംവിധാനം ചെയ്യാനായി എഴുതിയ ചിത്രമാണ് സൗദി വെള്ളക്കയെന്ന് നേരത്തെ സംവിധായകൻ ചിത്രത്തിന്റെ പേര് പുറത്ത് വിട്ട വേളയിൽ അറിയിച്ചിരുന്നു. അതിനിടെയാണ് ഓപ്പറേഷൻ ജാവ റിലീസ് ചെയ്യുന്നത്. നേരത്തെ ഓപ്പറേഷൻ ജാവയുടെ രണ്ടാം ഭാഗം ഉണ്ടാകുമെന്നും സംവിധായകൻ തരുൺ മൂർത്തി അറിയിച്ചിരുന്നു.

ലുക്ക്മാൻ അവറാൻ ബിനു പപ്പു, സുധി കോപ്പ, ദേവി വർമ്മ, ശ്രന്ധ, ഗോകുലൻ, ധന്യ അനന്യ എന്നിവരാണ് ചിത്രത്തിലെ പ്രധാന താരങ്ങൾ. സൗദി വെള്ളക്കയുടെ ക്യാമറയ്ക്ക് പിന്നിലും പുതിയ ടീമായിരുന്നു. ശരൺ വേലായുധനാണ് ക്യാമറ കൈകാര്യം ചെയ്തത്. പാലി ഫ്രാൻസിസ് ആണ് സംഗീതം നൽകിയത്. നിഷാദ് യൂസഫ് എഡിറ്റിങ്. വാബു വിതുര ആർട്

സഹനിർമ്മാതാവ്: ഹരീന്ദ്രൻ, എക്സിക്യൂട്ടീവ് പ്രൊഡ്യൂസർ: സംഗീത് സേനൻ, സൗണ്ട് ഡിസൈൻ: വിഷ്ണു ഗോവിന്ദ്, ശ്രീ ശങ്കർ (ശബ്ദ ഘടകം), ശബ്ദമിശ്രണം: വിഷ്ണു ഗോവിന്ദ് (ശബ്ദ ഘടകം), കലാസംവിധാനം: സാബു മോഹൻ, വേഷം: മഞ്ജുഷ രാധാകൃഷ്ണൻ, മേക്കപ്പ്: മനു മോഹൻ, കളറിസ്റ്റ്: ലിജു പ്രഭാകർ, പ്രൊഡക്ഷൻ കൺട്രോളർ: ജിനു പി.കെ, വരികൾ: അൻവർ അലി, ജോ പോൾ, ഗായകർ: ബോംബെ ജയശ്രീ, ജോബ് കുര്യൻ, ചീഫ് അസോസിയേറ്റ്: ബിനു പാപ്പു, സ്ക്രിപ്റ്റ് അസിസ്റ്റന്റ്: ധനുഷ് വർഗീസ്, കാസ്റ്റിംഗ് ഡയറക്ടർ: അബു വളയംകുളം, പബ്ലിസിറ്റി ഡിസൈൻ: യെല്ലോ ടൂത്ത്, ഓഡിയോ ലേബൽ: തിങ്ക് മ്യൂസിക്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...