ಮಕ್ಕಳಲ್ಲಿ ಒತ್ತಡವನ್ನು ಕಡಿಮೆ ಮಾಡುವ ಸುಲಭ ವಿಧಾನಗಳು

1 /8

ಮುಕ್ತ ಸಂವಹನ:  ಮಕ್ಕಳು ತಮ್ಮ ಭಾವನೆಗಳನ್ನು ಯಾವುದೇ ಹಿಂಜರಿಕೆಯಿಲ್ಲದೆ ಮುಕ್ತವಾಗಿ ವ್ಯಕ್ತಪಡಿಸಲು ಮನೆಯಲ್ಲಿ ಮುಕ್ತ ಸಂವಹನದ ವಾತಾವರಣ ಇರುವುದು ಬಹಳ ಮುಖ್ಯ. ಇದರಿಂದ ಮಕ್ಕಳು ಯಾವುದೇ ಭಯವಿಲ್ಲದೆ ವಿಚಾರಗಳನ್ನು ಮನೆಯವರ ಮುಂದೆ ಮಾತನಾಡುತ್ತಾರೆ. ಇದು ಅವರಲ್ಲಿ ಒತ್ತಡದಿಂದ ಪರಿಹಾರ ನೀಡಲು ಪ್ರಯೋಜನಕಾರಿ ಆಗಿದೆ. 

2 /8

ಮಕ್ಕಳಿಗೆ ಚಿಕ್ಕ ವಯಸ್ಸಿನಿಂದಲೇ ದಿನಚರಿ ರೂಢಿಯಾಗಬೇಕು. ಬೆಳಿಗ್ಗೆ ಎದ್ದೇಳುವ ಸಮಯದಿಂದ ರಾತ್ರಿ ಮಲಗುವವರೆಗೂ ವೇಳಾಪಟ್ಟಿಯನ್ನು ಹೊಂದಿರುವುದು. ಅದರಂತೆ ಯಾವ ಯಾವ ಸಮಯಕ್ಕೆ ಯಾವ ಕೆಲಸ ಪೂರ್ಣಗೊಳಿಸಬೇಕು ಎಂಬಿತ್ಯಾದಿ ದಿನಚರಿ ಚಟುವಟಿಕೆಗಳ ವೇಳಾಪಟ್ಟಿಯನ್ನು ರೂಪಿಸಿ. ಇದರಿಂದ ಮಕ್ಕಳು ಜೀವನದಲ್ಲಿ ಶಿಸ್ತನ್ನು ರೂಢಿಸಿಕೊಳ್ಳುತ್ತಾರೆ. 

3 /8

ಮಕ್ಕಳು ನಿಯಮಿತ ದೈಹಿಕ ಚಟುವಟಿಕೆಗಳನ್ನು ರೂಢಿಸಿಕೊಳ್ಳಬೇಕು. ನಿತ್ಯ ಸಾಕಷ್ಟು ನಿದ್ರೆ ಮಾಡುವುದು. ಸಮತೋಲಿತ ಆಹಾರ ಸೇವಿಸುವುದು ಸೇರಿದಂತೆ ಆರೋಗ್ಯಕರ ಜೀವನಶೈಲಿಯನ್ನು ರೂಢಿಸಿಕೊಳ್ಳಲು ಸಹಕರಿಸಿ. 

4 /8

ಮಕ್ಕಳು ತಮ್ಮ ದಿನಚರಿಯಲ್ಲಿ ಮುಂಜಾನೆ ಎದ್ದ ತಕ್ಷಣ ಇಲ್ಲವೇ ಸಂಜೆ ವೇಳೆ ಆಳವಾದ ಉಸಿರಾಟದ ವ್ಯಾಯಾಮಗಳನ್ನು ಅಭ್ಯಾಸ ಮಾಡಿಸಿ. ಇದು ಮಕ್ಕಳಲ್ಲಿ ಆತಂಕ, ಒತ್ತಡವನ್ನು ಬಹಳ ಮಟ್ಟಿಗೆ ಕಡಿಮೆ ಮಾಡುತ್ತದೆ. 

5 /8

ಈ ಫಾಸ್ಟ್ ಜೀವನದಲ್ಲಿ ಯಾರಿಗೂ ಮಕ್ಕಳೊಂದಿಗೆ ಆಟವಾಡುವಷ್ಟು ಸಮಯ, ಸಂಯಮ ಯಾವುದೂ ಇರುವುದಿಲ್ಲ. ಆದರೆ, ನಿತ್ಯ ಮಕ್ಕಳೊಂದಿಗೆ ಸೃಜನಾತ್ಮಕ ಚಟುವಟಿಕೆಗಳಲ್ಲಿ ಪೋಷಕರು ತೊಡಗಿಕೊಳ್ಳಿ. ಇದು ಭಾವನಾತ್ಮಕವಾಗಿ ಮಕ್ಕಳನ್ನು ಪೋಷಕರೊಂದಿಗೆ ಬೆಸೆಯಲು ಸಹಕಾರಿ. ಜೊತೆಗೆ ಮಕ್ಕಳು ತಮ್ಮ ಮನಸ್ಸಿನ ಮಾತನ್ನು ಈ ಸಮಯದಲ್ಲಿ ನಿಮ್ಮೊಂದಿಗೆ ಹಚ್ಚಿಕೊಳ್ಳಲು ಸಮಯಾವಕಾಶ ಕಲ್ಪಿಸಿದಂತೆ ಆಗುತ್ತದೆ. 

6 /8

ಇತ್ತೀಚಿನ ದಿನಗಳಲ್ಲಿ ಮಕ್ಕಳು ಚಿಕ್ಕ ವಯಸ್ಸಿನಿಂದಲೇ ಹೆಚ್ಚಾಗಿ ಗ್ಯಾಜೆಟ್ಸ್ ಗಳಿಗೆ ವ್ಯಸನಿಗಳಾಗಿರುತ್ತಾರೆ. ಇದು ಸೂಕ್ತವಲ್ಲದ ವಿಷಯಗಳನ್ನು ಕಲಿಯಲು ಅವರನ್ನು ಪ್ರೋತ್ಸಾಹಿಸಬಹುದು. ಹಾಗಾಗಿ, ಗ್ಯಾಜೆಟ್ಸ್ ಗಳನ್ನು ನಿಯಂತ್ರಿಸಿ. ಬದಲಿಗೆ ಮಕ್ಕಳಿಗೆ ನೀತಿ ಕಥೆಗಳನ್ನು ಹೇಳುವ ಮೂಲಕ ಅವರ ಮನಸ್ಸನ್ನು ಪರಿವರ್ತಿಸಬಹುದು.

7 /8

ಮಕ್ಕಳು ತಮ್ಮ ಹಿರಿಯರನ್ನು ನೋಡಿ ಸಾಕಷ್ಟು ವಿಷಯಗಳನ್ನು ಕಲಿಯುತ್ತಾರೆ. ಹಾಗಾಗಿ, ನೀವು ಮಕ್ಕಳೆದುರು ಒಳ್ಳೆಯ ಪಾಸಿಟಿವ್ ರೋಲ್ ಮಾಡೆಲ್ ಆಗಿರಿ. 

8 /8

ಮಕ್ಕಳ ತಪ್ಪನ್ನು ತಿದ್ದುವ ಬರದಲ್ಲಿ ಅವರ ಮಾತ್ರನ್ನು ತಿರಸ್ಕರಿಸುವ ಪೋಷಕರೇ ಹೆಚ್ಚು. ಆದರೆ, ಮಕ್ಕಳಿಗೆ ಚಿಕ್ಕ ವಯಸ್ಸಿನಲ್ಲಿ ಬೆಂಬಲ, ಸುರಕ್ಷಿತ ಭಾವನೆಯನ್ನು ಒದಗಿಸುವುದು, ಅಂತಹ ಪರಿಸರವನ್ನು ನಿರ್ಮಿಸುವುದು ತುಂಬಾ ಅಗತ್ಯ.  ಸೂಚನೆ: ಪ್ರಿಯ ಓದುಗರೇ, ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ದಯವಿಟ್ಟು ಅದನ್ನು ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಿ. Zee ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.