ಜೋಧ್ಪುರ: ರಾಜಸ್ಥಾನದ ಜೋಧ್ಪುರದ ಬನಾದ್‌ ಸಮೀಪದ ದೆವಲಿಯ ಗ್ರಾಮದಲ್ಲಿ ಭಾರತೀಯ ವಾಯುಪಡೆ (ಐಎಎಫ್) ವಿಮಾನವು ಮಂಗಳವಾರ ಪತನವಾಗಿದೆ. ಅದೃಷ್ಟವಷಾತ್‌ ಪೈಲಟ್‌ ಪಾರಾಗಿದ್ದಾರೆ. ಫೈಟರ್ ಜೆಟ್ ಎಂಬ ಮಿಕೊಯಾನ್ ಮಿಗ್-27 ಅಪಘಾತಕ್ಕೆ ಒಳಗಾಗಿದೆ.
ತಾಂತ್ರಿಕ ದೋಷಕ್ಕೆ ಗುರಿಯಾದ ಫೈಟರ್ ಜೆಟ್ ಬನಾದ್‌ ಎಂಬಲ್ಲಿ ಬಯಲು ಪ್ರದೇಶದಲ್ಲಿ ಬಿದಿದ್ದು , ಭಾರಿ ಬೆಂಕಿ ಮತ್ತು ಹೊಗೆ ಆವರಿಸಿದೆ. ಅಗ್ನಿಶಾಮಕ ದಳ, ಏರ್ ಫೋರ್ಸ್ ಅಧಿಕಾರಿಗಳು ಮತ್ತು ಪೊಲೀಸ್ ಸಿಬ್ಬಂದಿಗಳು ಈ ಸ್ಥಳಕ್ಕೆ ದೌಡಾಯಿಸಿದ್ದಾರೆ.
Indian Air Force MiG 27 crashes near Rajasthan's Jodhpur, Pilot safe; More details awaited. pic.twitter.com/bVa9LiTZgv
— ANI (@ANI) September 4, 2018
ಈ ಫೈಟರ್ ಜೆಟ್ ಅಪಘಾತಕ್ಕೊಳಗಾಗುವ ಮುನ್ನ ವಾಯುಪಡೆ ನಿಲ್ದಾಣದಿಂದ ಟೇಕ್ ಆಫ್ ಆಗಿತ್ತು.
ನಿಯಮಿತ ಕಾರ್ಯಾಚರಣೆಯ ಸಂದರ್ಭದಲ್ಲಿ ವಿಮಾನವು ಪತನಗೊಂಡಿದೆ ಎಂದು ಐಎಎಫ್ ತಿಳಿಸಿದೆ.
