ವೀಲ್ ಚೇರ್ ಕೊರತೆ... 80 ವರ್ಷದ ಪ್ರಯಾಣಿಕ ದಾರುಣ ಸಾವು... ಏರ್ ಇಂಡಿಯಾಗೆ ಡಿಜಿಸಿಎ ಶೋಕಾಸ್ ನೋಟಿಸ್

DGCA Notice to Air India: ಮುಂಬೈ ವಿಮಾನ ನಿಲ್ದಾಣದಲ್ಲಿ 80 ವರ್ಷದ ಪ್ರಯಾಣಿಕರೊಬ್ಬರು ವೀಲ್ ಚೇರ್ ಸಿಗದೇ ವಿಮಾನದಿಂದ ಟರ್ಮಿನಲ್‌ಗೆ ತೆರಳುತ್ತಿದ್ದಾಗ ಕುಸಿದು ಬಿದ್ದು ಸಾವನ್ನಪ್ಪಿದ್ದಾರೆ. 

Written by - Chetana Devarmani | Last Updated : Feb 17, 2024, 01:50 PM IST
  • ವೀಲ್ ಚೇರ್ ಸಿಗದೇ 80 ವರ್ಷದ ಪ್ರಯಾಣಿಕ ಸಾವು
  • ಮುಂಬೈ ವಿಮಾನ ನಿಲ್ದಾಣದಲ್ಲಿ ನಡೆದ ಘಟನೆ
  • ಏರ್ ಇಂಡಿಯಾಗೆ ಡಿಜಿಸಿಎ ಶೋಕಾಸ್ ನೋಟಿಸ್
ವೀಲ್ ಚೇರ್ ಕೊರತೆ... 80 ವರ್ಷದ ಪ್ರಯಾಣಿಕ ದಾರುಣ ಸಾವು... ಏರ್ ಇಂಡಿಯಾಗೆ ಡಿಜಿಸಿಎ ಶೋಕಾಸ್ ನೋಟಿಸ್ title=

DGCA Has Sent Notice to Air India: ವೀಲ್ ಚೇರ್ ಗಳ ಕೊರತೆಯಿಂದ 80 ವರ್ಷದ ಪ್ರಯಾಣಿಕ ಸಾವನ್ನಪ್ಪಿದ ಹಿನ್ನೆಲೆಯಲ್ಲಿ ನಾಗರಿಕ ವಿಮಾನಯಾನ ನಿಯಂತ್ರಣ ಪ್ರಾಧಿಕಾರ (ಡಿಜಿಸಿಎ) ಟಾಟಾ ಗ್ರೂಪ್ ಏರ್‌ಲೈನ್ಸ್ ಏರ್ ಇಂಡಿಯಾಗೆ ನೋಟಿಸ್ ಜಾರಿ ಮಾಡಿದೆ. ಮುಂಬೈ ವಿಮಾನ ನಿಲ್ದಾಣದಲ್ಲಿ ವೀಲ್ ಚೇರ್ ಲಭ್ಯವಾಗದ ಕಾರಣ 80 ವರ್ಷದ ಪ್ರಯಾಣಿಕರೊಬ್ಬರು ವಿಮಾನದಿಂದ ಟರ್ಮಿನಲ್‌ಗೆ ನಡೆದುಕೊಂಡು ಹೋಗುತ್ತಿದ್ದಾಗ ಕೆಳಗೆ ಬಿದ್ದು ಸಾವನ್ನಪ್ಪಿದ್ದಾರೆ. 

ಫೆಬ್ರವರಿ 12 ರಂದು, 80 ವರ್ಷದ ಬಾಬು ಪಟೇಲ್ ಅವರು ತಮ್ಮ ಪತ್ನಿ ನರ್ಮದಾ ಪಟೇಲ್ ಅವರೊಂದಿಗೆ ನ್ಯೂಯಾರ್ಕ್‌ನಿಂದ AI 116 ವಿಮಾನದಲ್ಲಿ (ಏರ್ ಇಂಡಿಯಾ) ಮುಂಬೈಗೆ ಬಂದರು. ಇಬ್ಬರೂ ಪ್ರಯಾಣಿಕರಿಗೆ ವೀಲ್ ಚೇರ್ ಅಗತ್ಯವಿರುವಂತೆ ಕಾಯ್ದಿರಿಸಲಾಗಿದೆ. ಆದರೆ, ವೀಲ್ ಚೇರ್ ಬೇಡಿಕೆ ಹೆಚ್ಚಾಗಿದ್ದರಿಂದ ಪ್ರಯಾಣಿಕರು ಕಾಯುವಂತೆ ಸೂಚಿಸಲಾಯಿತು. ವೀಲ್ ಚೇರ್ ಗಾಗಿ ಕಾಯುತ್ತಿದ್ದಾಗ ಒಂದೇ ಒಂದು ವೀಲ್ ಚೇರ್ ಸಿಕ್ಕಿದೆ. ಪತ್ನಿಯನ್ನು ಅದರಲ್ಲಿ ಕೂರಿಸಿಕೊಂಡು ಸಹಾಯಕನೊಂದಿಗೆ ಪತಿ ನಡೆಯತೊಡಗಿದ್ದಾರೆ. ಆದರೆ ಸುಮಾರು ಒಂದೂವರೆ ಕಿಲೋಮೀಟರ್ ನಡೆದ ಕಾರಣ ಎದೆನೋವು ಕಾಣಿಸಿಕೊಂಡು ಕುಸಿದು ಬಿದ್ದಿದ್ದಾರೆ. ಕೂಡಲೇ ಅವರನ್ನು ನಾನಾವತಿ ಆಸ್ಪತ್ರೆಗೆ ಕರೆದೊಯ್ದರು. ಆದರೆ ವ್ಯಕ್ತಿ ಮೃತಪಟ್ಟಿರುವುದಾಗಿ ವೈದ್ಯರು ಘೋಷಿಸಿದರು.

ಇದನ್ನೂ ಓದಿ: ನಿತ್ಯ 500 ಕೋಟಿ ರೂ. ನಷ್ಟ, 70 ಲಕ್ಷ ಕಾರ್ಮಿಕರ ಸಂಕಷ್ಟ! ರೈತ ಚಳವಳಿಯ ಪರಿಣಾಮವೇನು? 

ಎಕ್ಸಿಕ್ಯೂಟಿವ್ ಚೇರ್ ವಿಚಾರಕ್ಕೆ ಸಂಬಂಧಿಸಿದಂತೆ ಏಳು ದಿನಗಳೊಳಗೆ ಪ್ರತಿಕ್ರಿಯೆ ನೀಡುವಂತೆ ಏರ್ ಇಂಡಿಯಾಗೆ ನೋಟಿಸ್ ಜಾರಿ ಮಾಡಲಾಗಿದೆ. ಅಲ್ಲದೆ, ವೀಲ್‌ಚೇರ್‌ಗಳ ಅಗತ್ಯವಿರುವ ಪ್ರಯಾಣಿಕರಿಗೆ ಸಾಕಷ್ಟು ಸಂಖ್ಯೆಯ ವೀಲ್‌ಚೇರ್‌ಗಳು ಸಿಗುವಂತೆ ಗಮನವಹಿಸಲು ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯವು ಎಲ್ಲಾ ವಿಮಾನಯಾನ ಸಂಸ್ಥೆಗಳಿಗೂ ಸೂಚಿಸಿದೆ. ವಯೋವೃದ್ಧರು, ಅಂಗವಿಕಲರಿಗೆ ನೆರವಾಗಲು ವೀಲ್‌ಚೇರ್‌ಗಳನ್ನು ಒದಗಿಸಬೇಕು ಎಂಬ ನಿಯಮವಿದೆ ಎಂದು ಪ್ರಾಧಿಕಾರ ಒತ್ತಿ ಹೇಳಿದೆ.

ಘಟನೆಯ ಬಗ್ಗೆ ಮಾಹಿತಿ ನೀಡಿರುವ ಏರ್ ಇಂಡಿಯಾ, ಅಂದು ವೀಲ್ ಚೇರ್ ಗಳಿಗೆ ಹೆಚ್ಚಿನ ಬೇಡಿಕೆ ಬಂದಿದ್ದರಿಂದ ಅಗತ್ಯವಿದ್ದ ಪ್ರಯಾಣಿಕರು ಸ್ವಲ್ಪ ಸಮಯ ಕಾಯುವಂತೆ ಹೇಳಿದ್ದೆವು. ಒಂದು ವೀಲ್ ಚೇರ್ ಲಭ್ಯವಾದಾಗ 80 ವರ್ಷದ ಬಾಬು ಪಟೇಲ್ ನಡೆದುಕೊಂಡು ಹೋಗಲು ನಿರ್ಧರಿಸಿದ್ದಾರೆ. ಆಗ ಈ ಘಟನೆ ನಡೆದಿದೆ ಎಂದು ಹೇಳಿದೆ ಎನ್ನಲಾಗಿದೆ. 

ಇದನ್ನೂ ಓದಿ: ತಂತ್ರಜ್ಞಾನ ಉದ್ಯಮವು ಶೇ 3.8ರಷ್ಟು ಬೆಳವಣಿಗೆ ನಿರೀಕ್ಷೆ : ನಾಸ್ಕಾಂ ಅಂದಾಜು

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T

Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ. 

Trending News