Harley-Davidson ના આ બાઇકની છે અધધ ડિમાન્ડ! કંપનીએ બંધ કરી દેવું પડ્યું બુકિંગ

Harley-Davidson X440: Harley-Davidson India એ જાહેરાત કરી છે કે X440 માટે પ્રારંભિક કિંમતે ઓનલાઈન બુકિંગ 3 ઓગસ્ટ, 2023 ના રોજ બંધ થશે. Harley-Davidson X440 ખાસ કરીને Hero MotoCorp સાથે મળીને ભારતીય બજાર માટે વિકસાવવામાં આવ્યું છે. તેની એક્સ-શોરૂમ કિંમત 2.29 લાખ રૂપિયાથી 2.69 લાખ રૂપિયા સુધીની છે. આ કિંમત સિરીઝમાં તે સૌથી સસ્તી હાર્લી મોટરસાઇકલ છે.

Hero MotoCorp 3જી ઓગસ્ટથી X440 માટે અસ્થાયી રૂપે બુકિંગ બંધ કરશે. કંપનીના જણાવ્યા અનુસાર, તેમને મોટરસાઇકલ માટે 'જબરદસ્ત રિસ્પોન્સ' મળ્યો છે પરંતુ કંપનીએ પ્રાપ્ત કરેલા ઓર્ડરની ચોક્કસ સંખ્યા જાહેર કરી નથી. X440 માટે બુકિંગનો આગલો તબક્કો ક્યારે ખુલશે તે અંગે હીરોએ હજુ સુધી જાહેરાત કરી નથી પરંતુ જ્યારે તે થશે ત્યારે કિંમતો વધશે તેવી અપેક્ષા છે.

Harley-Davidson X440 માં 440cc, સિંગલ-સિલિન્ડર, એર અને ઓઇલ-કૂલ્ડ, ફ્યુઅલ-ઇન્જેક્ટેડ એન્જિન મળે છે, જે 27bhp અને 38Nm જનરેટ કરે છે. એન્જિન 6-સ્પીડ ગિયરબોક્સ સાથે જોડાયેલું છે. તે USD ફ્રન્ટ ફોર્ક્સ અને પાછળના ભાગમાં ગેસ-ચાર્જ્ડ શોક એબઝોર્બર મેળવે છે. બ્રેકિંગ માટે, ડ્યુઅલ ચેનલ ABS સાથે બંને બાજુ ડિસ્ક બ્રેક આપવામાં આવી છે.

Hero MotoCorp CEO નિરંજન ગુપ્તાએ જણાવ્યું હતું કે, “હાર્લી-ડેવિડસન X440 માટે બુકિંગ વધતા જોઈને આનંદ થાય છે. અત્યાર સુધીની બુકિંગ અમારી અપેક્ષાઓ કરતાં વધી ગઈ છે અને અમે એવા તબક્કે પહોંચી ગયા છીએ જ્યાં અમે ઑનલાઇન બુકિંગ ચેનલને અસ્થાયી રૂપે બંધ કરવાનો નિર્ણય લીધો છે. અમે X440 ના ઉત્પાદન અને ડિલિવરી માટે તૈયારી કરી રહ્યા છીએ." 

આ પણ વાંચો:
INDIA ગઠબંધનને મોટો ઝટકો આપવાના છે આ દિગ્ગજ નેતા? PM મોદીનું કરશે સન્માન
અંબાલાલની વધુ એક આગાહી : ચોમાસાના ચોથા રાઉન્ડ માટે તૈયાર રહો, હવે આ જિલ્લાઓનો વારો
વક્રી શુક્ર 3 રાશિના લોકોને કરાવશે આર્થિક લાભ, 4 સપ્ટેમ્બર સુધી મળશે ભાગ્યનો સાથ
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube