સ્વિટ્ઝર્લેન્ડને ટક્કર મારે એવું છે મેઘાલયનું આ ગામ! સાવ સસ્તામાં ફોરેન જેવા સ્થળે ફરવાની મજા

ડોકી તળાવ, ઉમંગોટ નદી તરીકે પણ ઓળખાય છે, જે મેઘાલયના પૂર્વ ખાસી હિલ્સ જિલ્લામાં સ્થિત છે, ઉનાળાની ઋતુમાં મુલાકાત લેવા માટેનું શ્રેષ્ઠ સ્થળ છે. ડોકી તળાવ તેની પ્રાકૃતિક સુંદરતા માટે પ્રખ્યાત છે.

 

આ સરોવર લીલીછમ ટેકરીઓથી ઘેરાયેલું છે અને તેનું પાણી સ્ફટિક જેવું સ્પષ્ટ છે. તળાવના કિનારે વાંસના ઝાડ અને રંગબેરંગી ફૂલોની હારમાળા આ જગ્યાને વધુ સુંદર બનાવે છે.

ડોકી તળાવ માવલીનોંગ ગામ પાસે આવેલું છે, જેને 2003માં એશિયાના સૌથી સ્વચ્છ ગામનો ખિતાબ મળ્યો હતો. ગામડાના લોકો સ્વચ્છતા પ્રત્યે ખૂબ જ જાગૃત છે અને તેઓ પ્લાસ્ટિકનો ઉપયોગ કરતા નથી.

આ જગ્યા ડોકી ગામમાં છે, અહીં ભારત અને બાંગ્લાદેશની સરહદ પણ છે. ડોકી લેક સુધી પહોંચવાનો સૌથી સરળ રસ્તો શિલોંગથી ટેક્સી દ્વારા છે. શિલોંગથી ડોકી તળાવનું અંતર લગભગ 80 કિલોમીટર છે.

ડોકી તળાવમાં તમે બોટિંગની મજા માણી શકો છો. લેકના કિનારે લટાર મારી શકો છો અથવા પર્વતોનો આનંદ માણી શકો છો. તમે તળાવના કિનારે બનેલી નાની રેસ્ટોરાંમાં બેસીને સ્થાનિક ભોજનનો આનંદ પણ લઈ શકો છો.