ભાજપમાં આંતરિક કકળાટ! સાંસદે કહ્યું બેઠક જીતીશું પણ લીડ ભૂલી જાઓ, ઓછા મતદાન માટે સંગઠન જવાબદાર
Lok Sabha Election 2024: ગુજરાતમાં 25 લોકસભા બેઠકો પર મતદાન સમાપ્ત થયા પછી, જ્યારે ભાજપ અને કોંગ્રેસ રાજ્યમાં ક્લીન સ્વીપ અને જીતના દાવા કરી રહ્યા છે, ત્યારે અમરેલીના ભાજપના સાંસદ નારણ કાછડિયાએ ઓછા મતદાન માટે પાર્ટી નેતૃત્વને જવાબદાર ઠેરવી ઠીકરું ફોડ્યું છે.
Trending Photos
- 8
- 4
- 5
- 9
)
Lok Sabha Election 2024: ગુજરાતમાં લોકસભાની ચૂંટણીના મતદાન બાદ એક તરફ લોકો ભાજપને ક્લીન સ્વીપ કરવા અને કોંગ્રેસનું ખાતું ખોલાવવા પર ભારે હોડ લગાવી રહ્યા છે તો બીજી તરફ ભાજપના અમરેલીના સાંસદે ઓછા મતદાન માટે પાર્ટી નેતૃત્વ પર સવાલો ઉઠાવ્યા છે . અમરેલીના ભાજપના સાંસદ નારણભાઈ કાછડિયાએ જણાવ્યું છે કે, પાર્ટીએ કોંગ્રેસ સહિત અન્ય પક્ષોના લોકોને લેવાના કારણે ચૂંટણીમાં ઓછું મતદાન થયું છે. ભાજપે આ કાછડિયાની ટીકીટ કાપી અમરેલીમાંથી ભરતભાઈ સુતરીયાને મેદાનમાં ઉતાર્યા હતા. હવે ચૂંટણી પુરી થયા બાદ ભાજપના સાંસદ નારણભાઈ કાછડિયાએ જણાવ્યું છે કે અન્ય પક્ષોના આગેવાનો પર ધ્યાન અપાયું હોવાના કારણે પક્ષના કાર્યકરો ઘરે બેસતાં અમરેલીમાં સૌથી ઓછું મતદાન થયું હતું. રાજકીય વર્તુળોમાં કાછડિયાના નિવેદનને પક્ષમાં આંતરિક વિખવાદનું કારણ ગણવામાં આવી રહ્યું છે. ગુજરાતની 25 લોકસભા બેઠકો પર કુલ 60.13 ટકા મતદાન થયું હતું. અમરેલી લોકસભા બેઠક પર માત્ર 50.29 ટકા મતદાન થયું હતું.
પાંચ લાખની લીડ નહીં મળે
અમરેલી બેઠક પર પણ ભાજપના ઉમેદવાર ભરતભાઈ સુતરીયાને વિરોધનો સામનો કરવો પડ્યો હતો. કાછડિયાએ જણાવ્યું હતું કે લોકસભા બેઠક પર ભાજપ જીતી જશેપરંતુ પક્ષને પાંચ લાખ મતોની લીડની અપેક્ષા હતી તે મળશે નહીં. કાછડિયાનું નિવેદન એવા સમયે આવ્યું છે જ્યારે રાજ્યના રાજકીય વર્તુળોમાં એવી ચર્ચા ચાલી રહી છે કે 25માંથી 20 જેટલી બેઠકો પર ભાજપ 5 લાખની લીડ મેળવી શકશે નહીં. કારણ કે કોંગ્રેસ ચૂંટણીમાં સારી રીતે લડી હતી અને ભાજપ પાર્ટીના કાર્યકરોમાં ઉત્સાહનો અભાવ હતો.
કોંગ્રેસ પાર્ટીએ અમરેલી બેઠક પર મહિલા પ્રદેશ પ્રમુખ જેનીબેન ઠુમ્મરને મેદાનમાં ઉતાર્યા હતા. કાછડિયા 2009 થી સતત અમરેલીના સાંસદ હતા. 2019ની ચૂંટણીમાં કાછડિયાએ કોંગ્રેસના નેતા પરેશ ધાનાણીને 2,01,431ના માર્જિનથી હરાવ્યા હતા. અગાઉ 2014ની ચૂંટણીમાં તેઓ 156,232 મતોથી અને પ્રથમ ચૂંટણીમાં 37,326 મતોથી જીત્યા હતા.
કાછડિયાના નિશાને કોણ?
અમરેલીમાં ઓછા મતદાન માટે પક્ષની નેતાગીરીને જવાબદાર ઠેરવ્યા બાદ હવે ચર્ચા શરૂ થઈ છે કે કાછડિયાને નિશાને કોણ? ગુજરાત ભાજપ પ્રમુખ સીઆર પાટીલે 2019ની લોકસભા ચૂંટણીમાં દેશભરમાં સૌથી મોટી લીડ સાથે જીત મેળવી હતી. આ પછી તેમને પ્રદેશ અધ્યક્ષની જવાબદારી મળી. પાટીલે 2024ની લોકસભા ચૂંટણીમાં પાંચ લાખ મતોના માર્જિનથી તમામ બેઠકો જીતવાનું લક્ષ્ય રાખ્યું હતું. આ સાથે કછરીયાના નિવેદનને જોડવામાં આવી રહ્યું છે.
છેલ્લા બે દિવસમાં આ બીજી ઘટના છે જ્યારે ગુજરાત ભાજપ પ્રમુખની રીતભાત અને નીતિઓ પર સવાલો ઉભા થયા છે. ઇફ્કોની ચૂંટણીમાં બળવાખોર જયેશ રાદડિયાની જીત પર સંઘાણીએ કહ્યું હતું કે ભાજપે કોને અધિકૃત ઉમેદવાર બનાવ્યા છે તે તેઓ જાણતા નથી. મેન્ડેટ આપવામાં આવ્યો હતો કે નહીં? ભાજપના પ્રદેશ પ્રમુખ સી.આર.પાટીલ વતી બિપિન પટેલ ઉર્ફે ગોતાને ઉમેદવાર બનાવવામાં આવ્યા હતા. તેમને ભાજપના ધારાસભ્ય જયેશ રાદડિયા સામે હારનો સામનો કરવો પડ્યો હતો. આવી સ્થિતિમાં ચર્ચા શરૂ થઈ કે શું ગુજરાત ભાજપમાં બધુ બરાબર નથી?
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
