Brain Boosting Foods: ஞாபக சக்தியை அதிகரிக்கும் உணவுகளை குழந்தைகளுக்கு தினமும் கொடுப்பதால், உங்கள் குழந்தையின் உடல் வளர்ச்சி மட்டுமின்றி மூளை வளர்ச்சியும் சிறப்பாக இருக்கும்.
மூளை ஆரோக்கியம் என்பது குழந்தைகளுக்கு மட்டுமல்ல; பெரியவர்களுக்கு முக்கியம். மூளை சம்பந்தமான பிரச்சனைகள் வராமல் இருக்க, நினைவாற்றல், அறிவாற்றல் சிறப்பாக இருக்க வேண்டும்.
குழந்தைகளுக்கு, கொடுக்கும் உணவு அனைத்து ஊட்டச்சத்துகளும் நிறைந்த சரிவிகித உணவாக இருக்க வேண்டும். கூடவே மூளைக்கு ஆற்றலை அள்ளிக் கொடுக்கும் உணவுகள் டயட்டில் சேர்க்கப்பட்டால், எல்லா வகையிலும் திறன் பெற்றவர்களாக இருக்க வேண்டும்.
பச்சை காய்கறிகள், கீரைகளில் உள்ள பீட்டா கரோட்டின், ஃபோலிக் அமிலம் மற்றும் வைட்டமின் கே போன்ற மூளைக்கு ஊக்கமளிக்கும் ஊட்டச்சத்துக்கள் ஆற்றல் மையங்கள் ஆகும். தாவர அடிப்படையிலான உணவுகளை உங்கள் உணவில் சேர்த்துக்கொள்வது அறிவாற்றல் வீழ்ச்சியைத் தணிக்கும் என்று ஆராய்ச்சி கூறுகிறது.
புரதம் மற்றும் ஆரோக்கியமான கொழுப்புகள் நிறைந்த நட்ஸ், மூளை ஆரோக்கியத்திற்கு பல நன்மைகளை வழங்குகின்றன. வாதுமை பருப்புகள், ஒமேகா-3 கொழுப்பு அமிலங்கள் மற்றும் ஆன்டிஆக்ஸிடன்ட்டுகள் நிறைந்தது. இது மனநலச் சரிவைத் தடுப்பதில் சிறந்தது.
அல்சைமர் மற்றும் பார்கின்சன் நோய் போன்ற அறிவாற்றல் தொடர்பான பிரச்சனைகள் வராமல் தடுக்கும் லிகோபீன் நிறைந்த தக்காளி ஞாபக சக்தியை அதிகரிக்கும். அவற்றின் சக்திவாய்ந்த ஆக்ஸிஜனேற்ற பண்புகள் மூளைக்கு ஆற்றலைக் கொடுக்கின்றன
ப்ரோக்கோலியில் அதிக அளவு குளுக்கோசினோலேட்டுகள் உள்ளன. அவை வளர்சிதை மாற்றமடையும் போது, ஐசோதியோசயனேட்ஸ் எனப்படும் நரம்பியல் சேர்மங்களை அளிக்கின்றன. இது மூளையின் ஆரோக்கியத்தை மேம்படுத்துவதோடு நரம்பியல் பாதிப்புகளிலிருந்தும் மூளையை பாதுகாக்கும்.
முழு தானியங்களான முழு கோதுமை, ஓட்ஸ், மற்றும் பழுப்பு அரிசி ஆகியவை மூளை ஆரோக்கியத்திற்கு உதவுவதோடு மட்டுமல்லாமல், வைட்டமின் ஈ போன்ற அத்தியாவசிய ஆக்ஸிஜனேற்றத்தையும் அளிக்கின்றன. வைட்டமின் ஈயை அதன் இயற்கையான வடிவத்தில் உட்கொள்வது, மூளையின் ஆரோக்கியத்தை மேம்படுத்தும்.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
