Health Tips: சிவப்பு ஆப்பிள்கள் பலருக்கு விருப்பமான பழங்களாக உள்ளன. இவற்றில் உள்ள ஊட்டச்சத்துகலும் அதிகம். ஆப்பிளின் ஆரோக்கிய நன்மைகளைப் பற்றி இங்கே காணலாம்.
உடலை ஆரோக்கியமாக வைத்திருக்க விரும்பினால், உணவின் ஊட்டச்சத்தில் சிறப்பு கவனம் செலுத்துவது மிகவும் முக்கியம் என்று உணவியல் நிபுணர்கள் கூறுகிறார்கள். நாம் உட்கொள்ளும் உணவுகள் நமது ஆரோக்கியத்தை நேரடியாக பாதிக்கின்றன. நமது உணவில் பருவகால பழங்கள் மற்றும் காய்கறிகளை தவறாமல் சேர்த்துக் கொண்டால், உடலுக்குத் தேவையான பெரும்பாலான ஊட்டச்சத்துக்களை எளிதில் வழங்க முடியும் என்று ஆராய்ச்சி கூறுகிறது. தினமும் ஒரு ஆப்பிளை உட்கொள்ளும் ஒரு நபர் மருத்துவரிடம் செல்ல வேண்டிய நிலை ஏற்படாது என ஒரு பழமொழி உண்டு. ஆனால், இது எப்படி நடக்கும்? இதை பற்றி இந்த பதிவில் காணலாம்.
குறைந்த கலோரி கொண்ட பழங்களில் ஆப்பிள் ஒன்றாகும். நடுத்தர அளவிலான ஆப்பிளில் 60 கலோரிகள் மட்டுமே உள்ளன. அதாவது அதை உட்கொள்வதால் எடை அல்லது சர்க்கரை அளவு அதிகரிக்காது.
ஆப்பிள் பழம் தவிர, ஜூஸ், சைடர் மற்றும் ஆப்பிள் சாஸ் ஆகியவையும் உட்கொள்ளப்படுகின்றன. ஆப்பிளில் ஆரோக்கியத்திற்கு நன்மை பயக்கும் என்னென்ன குணங்கள் உள்ளன என்பதை பற்றி இந்த பதிவில் தெரிந்து கொள்ளலாம்.
ஆப்பிளில் அதிக அளவு நார்ச்சத்து உள்ளது. இது வயிற்றை நிரம்பிய உணர்வுடன் வைக்கிறது. இது உடலுக்கு தேவையான ஊட்டச்சத்துகளை அளிக்கின்றது.
ஆப்பிளில் அதிக ஆன்டி-ஆக்ஸிடன்ட்கள் உள்ளதாக சுகாதார நிபுணர்கள் கூறுகின்றனர். குறிப்பாக அதன் தோலில் க்வெர்செடின் காணப்படுகின்றது. ஆன்டிஆக்ஸிடன்ட் உணவுகள் உடலில் ஃப்ரீ ரேடிக்கல்களால் ஏற்படும் பிரச்சனைகளைக் குறைக்கிறது. இது பல நாள்பட்ட நோய்களைத் தடுக்க உதவியாக இருக்கும். இது தவிர, ஆப்பிள் நார்ச்சத்துக்கான நல்ல மூலமாகும், இது செரிமானத்திற்கு உதவுகிறது.
நீரிழிவு நோயாளிகளுக்கு ஆப்பிள்களை உட்கொள்வது ஆரோக்கியத்தில் நன்மை பயக்கும். அதிக நார்ச்சத்து மற்றும் குறைந்த சர்க்கரை அளவு உள்ள ஆப்பிள் போன்ற பழங்கள் குளுக்கோஸ் அளவை சீராக வைத்திருக்கும்.
உயர் இரத்த அழுத்த பிரச்சனைக்கும் ஆப்பிள் சாப்பிடுவது நன்மை பயக்கும். பல ஆய்வுகள் ஆப்பிள் சாப்பிடுவது இரத்த அழுத்தத்தைக் குறைக்க உதவும் என்று கண்டறிந்துள்ளன. இரத்த அழுத்தத்தைக் கட்டுக்குள் வைத்திருப்பது பக்கவாதம் மற்றும் மாரடைப்பு அபாயத்தைக் குறைக்கும்.
ஆப்பிள் கொலஸ்ட்ரால் அளவைக் குறைக்கும் என்று அறியப்படுகிறது. இதன் மூலம் இதய நோய்களுக்கான அபாயத்தையும் ஆப்பிள் குறைக்க உதவும்.
இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.
