முகம் சும்மா தக தகன்னு மின்ன இந்த வீட்டு வைத்தியம் செய்யுங்க

சரும பராமரிப்பு குறிப்புகள்: மன அழுத்தம் அல்லது ஆரோக்கியமற்ற வாழ்க்கை முறை காரணமாக இளம் வயதிலேயே சுருக்கங்கள் தோன்ற ஆரம்பித்து விடுகிறது. புகைபிடித்தல், மது அருந்துதல், போதைப் பழக்கம் மற்றும் ஆரோக்கியமற்ற உணவுப் பழக்கம் போன்றவை இதற்கு சில காரணங்கள். இதனுடன், பருக்கள் மற்றொரு பொதுவான சரும பிரச்சனையாகும். சில சமயங்களில் உடலில் ஏற்படும் ஹார்மோன் மாற்றங்களாலும், செரிமானமின்மையும் இதற்கு ஒரு காரணமாகலாம். காரணம் எதுவாக இருந்தாலும், யோகா ஆசனங்கள் மென்மையான, பளபளப்பான சருமத்தைப் பெற உதவும். சில யோகா ஆசனங்களைப் பயிற்சி செய்வது தலை மற்றும் முகப் பகுதியில் இரத்த ஓட்டத்தை அதிகரிக்க உதவும், இது இயற்கையாகவே சரும நிறத்தை அதிகரிக்கவும் உதவும். சில ஆசனங்கள் நமது நரம்பு மண்டலத்தைத் தூண்டி, மூளைக்கு ஆக்ஸிஜன் மற்றும் இரத்த ஓட்டத்தை அதிகரிக்கலாம், இது நமது வளர்சிதை மாற்ற விகிதத்தையும் அதிகரிக்கும். எனவே நீங்களும் இயற்கையான முறையில் பளபளப்பான சருமத்தைப் பெற விரும்பினால், சில யோகாசனங்கள் உள்ளது அவற்றை பின்பற்றினால் போதும்.

இயற்கையான முறையில் சருமம் பொலிவு பெற யோகா | Yoga To Get Skin Glow Naturally

1. புஜங்காசனம் - Bhujangasana
இந்த ஆசனம் முதுகு மற்றும் தோள்களில் உள்ள விறைப்பைக் குறைக்கிறது, தளர்வு அளிக்கிறது, உங்கள் மனநிலையை மேம்படுத்துகிறது மற்றும் உங்கள் சருமத்தை மென்மையாக்குகிறது.

2. மச்சாசனம் - Matsyasana 
மீன் போன்ற அமைப்பை உடைய ஆசன நிலை‌ தான் மச்சாசனம். மிகவும் எளிமையான யோகாசனம் ஆகும். மேலும் இந்த ஆசனம் ஆழ்ந்த சுவாசத்தை செயல்படுத்துகிறது, ஹார்மோன் சமநிலையை சமாநிலையாக்க உதவுகிறது மற்றும் தசைகளுக்கு ஓய்வு அளிக்கிறது. இது சருமத்தை நெகிழ்வாகவும் வலுவாகவும் ஆக்குகிறது.

மேலும் படிக்க | இந்த பானங்களை காலையில் குடிச்சா போதும்: வேகமா எடையை குறைக்கலாம்

3. ஹலாசனம் - Halasana 
இந்த ஆசனம் முகம் மற்றும் தலையில் இரத்த ஓட்டத்தை அதிகரிக்கிறது, இதன் காரணமாக சருமம் பளபளப்பாக இருக்கும். இந்த யோகாசனத்தை தினமும் செய்யலாம்.

4. சர்வாங்காசனம் - Sarvangasana
சர்வாங்காசனம் (Sarvangasana) ஓர் உடற்பயிற்சியாக நவீன யோகாவில் தலைகீழ் ஆசனமாகப் பின்பற்றப்படுகிறது. தோள்பட்டை ஆதரவுடன் தலைகீழாக நிற்கும் நிலையை இந்த ஆசனம் குறிப்பிடுகிறது. சர்வம், அங்கம், ஆசனம் ஆகிய 3 வடமொழிச் சொற்களின் கூட்டுச் சொல்தான் சர்வாங்காசனம் எனப்படுகிறது. இந்த ஆசனம் தலையில் இரத்த ஓட்டத்தை அதிகரித்து சோம்பலை போக்க உதவுகிறது. இது முகப்பருவை குறைக்க உதவுகிறது.

5. திரிகோணாசனம் - Trikonasana
உடல் தசைகளை நன்கு நீட்டி மடக்கும் இலகுவான தன்மையையும் உடலுக்கு நல்ல நெகிழ்வுத் தன்மையையும் கொடுக்கும். குறிப்பாக தோள்பட்டை, கைகள், கால் ஆகியவற்றுக்கு வலிமையையும் நெகிழ்வுத் தன்மையையும் கொடுக்கும். அதுமட்டுமின்றி இந்த ஆசனம் உங்கள் முகம் மற்றும் தலையில் இரத்த ஓட்டத்தை அதிகரிக்கிறது, இது சருமத்தின் தரத்தை மேம்படுத்துகிறது மற்றும் முகத்திற்கு பளபளப்பைக் கொண்டுவர உதவுகிறது.

(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | உயர் ரத்த அழுத்தத்தில் 4 வகை: அதனை எவ்வாறு தடுக்கலாம்?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ