யூரிக் அமிலம் என்பது பியூரின்கள் எனப்படும் பொருட்களை உடல் உடைக்கும்போது தயாரிக்கப்படும் ஒரு இரசாயனமாகும். பியூரின்கள் பொதுவாக உடலில் உற்பத்தி செய்யப்படுகின்றன, மேலும் சில உணவுகள் மற்றும் பானங்களிலும் காணப்படுகின்றன. பியூரின்கள் நிறைந்த உணவுகளில் ஆட்டிறைச்சி கல்லீரல், நெத்திலி, உலர்ந்த பீன்ஸ், பட்டாணி மற்றும் பீர் ஆகியவை அடங்கும். யூரிக் அமிலத்தின் பெரும்பகுதி இரத்தத்தில் கரைந்து சிறுநீரகத்தை அடைகிறது. சிறுநீரகம் அதை வடிகட்டி உடலில் இருந்து சிறுநீர் மூலம் வெளியேற்றுகிறது.
உடலில் யூரிக் அமிலம் அதிகமாக உற்பத்தியானாலோ அல்லது உடல் அதை போதுமான அளவில் அகற்றாவிட்டாலோ, உடலில் யூரிக் அமிலத்தின் அளவு அதிகரிக்கத் தொடங்குகிறது. இரத்தத்தில் யூரிக் அமிலத்தின் அதிக அளவு ஹைப்பர்யூரிசிமியா என்று அழைக்கப்படுகிறது. உடலில் யூரிக் அமிலத்தின் அளவு அதிகரிப்பதால் உடலில் பல பிரச்சனைகள் ஏற்படும்.
யூரிக் அமிலம் அதிகரிப்பதால் ஏற்படும் பொதுவான பிரச்சனைகளில், பாதங்களில் வலி, வீக்கம், விறைப்பு, கணுக்கால் வலி, கன்றுகளில் வலி, முழங்கால் மற்றும் மூட்டுகளில் வலி ஆகியவை அடங்கும். அதிகரித்த யூரிக் அமிலம் இரத்த பரிசோதனை மூலம் கண்டறியப்படுகிறது. அதிகரித்த யூரிக் அமிலம் நீரிழிவு மற்றும் சிறுநீரக பிரச்சனைகளின் அபாயத்தை அதிகரிக்கிறது.
யூரிக் அமில பிரச்சனை உள்ளவர்களுக்கு சரியான உணவை உட்கொள்வது மிகவும் முக்கியமானது. சில உணவுகள் யூரிக் அமிலத்தின் அளவை விரைவாக அதிகரிக்கின்றன. ஆகையால் அவற்றிலிருந்து விலகி இருப்பது மிகவும் முக்கியம். யூரிக் அமிலத்தை கட்டுப்படுத்த எவற்றிலிருந்து விலகி இருக்க வேண்டும் என்பதை அறிவோம்.
மேலும் படிக்க | Diabetes நோயாளிகள் இந்த மஞ்சள் ரொட்டியை சாப்பிட வேண்டும்
சில வகையான இறைச்சிகளைத் தவிர்க்கவும்:
யூரிக் அமிலத்தின் அளவு வேகமாக அதிகரித்து வந்தால், சில இறைச்சி வகைகளை தவிர்க்கவும். பெரும்பாலான இறைச்சிகளில் பியூரின்கள் அதிகம் இருப்பதால், அவற்றை உட்கொள்வது யூரிக் அமிலத்தின் அதிகரிப்புக்கு வழிவகுக்கும். இறைச்சி மற்றும் மீன் உட்கொள்வதால் யூரிக் அமிலம் அதிகரிக்கும்.
தயிரை தவிர்ப்பது நல்லது:
யூரிக் அமிலம் அதிகமாக உள்ள நோயாளிகள் தயிரைத் தவிர்க்க வேண்டும். தயிரில் புரதம் நிறைந்துள்ளது. இது யூரிக் அமிலத்தை அதிகரிக்கும். இதில் உள்ள டிரான்ஸ் ஃபேட் உடலில் யூரிக் அமிலத்தின் அளவை அதிகரிக்கும்.
மதுவைத் தவிர்க்கவும்:
மது அருந்துவது யூரிக் அமிலம் உருவாகும் அபாயத்தை அதிகரிக்கிறது. மது அருந்துவது உங்களை அதிக நீரிழப்புக்கு ஆளாக்கும். இதனை உட்கொள்வதால் உடலில் யூரிக் அமிலத்தின் அளவு அதிகரிக்கிறது. சிறுநீரகங்கள் யூரிக் அமிலம் மற்றும் பிற கழிவுகளை வடிகட்டுவதற்குப் பதிலாக ஆல்கஹால் வடிகட்டுவதால் இது நிகழ்கிறது. இது யூரிக் அமிலத்தின் அதிகரிப்புக்கு வழிவகுக்கிறது.
இரண்டு வகையான முட்டைக்கோசுகளையும் தவிர்க்கவும்:
நீங்கள் முட்டைக்கோஸ், காலிஃப்ளவர் ஆகியவற்றை விரும்பி சாப்பிடும் நபராக இருந்து, உங்களுக்கு யூரிக் அமில பிரச்சனை இருந்தால், உடனடியாக இந்தப் பழக்கத்தை மாற்றவும். முட்டைக்கோஸ் மற்றும் காலிஃப்ளவர் யூரிக் அமிலத்தை வேகமாக அதிகரிக்கும். அவற்றில் பியூரின் அளவு மிக அதிகமாக உள்ளது. இதன் காரணமாக உடலில் யூரிக் அமிலத்தின் அளவு அதிகரிக்கத் தொடங்குகிறது மற்றும் கீல்வாதம் ஏற்படும் அபாயம் உள்ளது.
(பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன், கண்டிப்பாக மருத்துவ ஆலோசனையைப் பெறுங்கள். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | Men's Health: மண வாழ்க்கை இனிக்க இன்றே தேனை உணவில் சேருங்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
