6.6 લાખની આ કારે માર્કેટમાં મચાવી ધુમ! WagonRને પછાડીને બની નંબર-1

Top 10 Car Sales: મે મહિનામાં ટોપ 10 બેસ્ટ સેલિંગ કારની યાદીમાં 7 કાર એકલા મારુતિ સુઝુકીની છે. જોકે કંપનીની કાર એકબીજા સાથે સ્પર્ધા કરી રહી છે. મારુતિની જ કારે WagonRથી પછાડીને નંબર-1નું સ્થાન મેળવ્યું છે આ કાર બીજી કોઈ નહીં પણ મારુતિ બલેનો છે. મારુતિ બલેનો છેલ્લા કેટલાક મહિનાઓથી દેશમાં સૌથી વધુ વેચાતી કાર હતી. જો કે માર્ચ મહિનામાં તે ચોથા સ્થાને સરકી ગઈ હતી. આ પછી એપ્રિલમાં મારુતિ વેગનઆર પ્રથમ સ્થાને અને બલેનો ત્રીજા સ્થાને રહી. પરંતુ મે સુધીમાં, ચિત્ર સંપૂર્ણપણે બદલાઈ ગયું છે.

મારુતિ બલેનો મે મહિનામાં નંબર વન બની હતી, જ્યારે મારુતિ વેગનઆર ત્રીજા સ્થાને પહોંચી હતી. ગયા મહિને મારુતિ સુઝુકી બલેનોના 18,733 યુનિટ વેચાયા હતા. તે જ સમયે, મારુતિ સુઝુકી સ્વિફ્ટ બીજા સ્થાને છે, જેના 17,300 યુનિટ વેચાયા છે. જ્યારે છેલ્લા મહિનામાં મારુતિ વેગનઆરના 16,300 યુનિટ વેચાયા છે. આ રીતે મારુતિ બલેનોએ આખરે તેનું સ્થાન પાછું મેળવી લીધું છે.

કિંમત અને એન્જિન
તમને જણાવી દઈએ કે મારુતિ સુઝુકી બલેનોની કિંમત રૂ. 6.61 લાખથી શરૂ થાય છે અને રૂ. 9.88 લાખ (એક્સ-શોરૂમ, દિલ્હી) સુધી જાય છે. તેમાં આપવામાં આવેલ 1.2-લિટર ડ્યુઅલજેટ પેટ્રોલ એન્જિન 90 PS પાવર અને 113 Nm ટોર્ક જનરેટ કરે છે. આમાં CNG વિકલ્પ પણ ઉપલબ્ધ છે. 

સૌથી વધુ વેચાતી 10 કાર 
1. મારુતિ બલેનો - 18,700 યુનિટ 
2. મારુતિ સ્વિફ્ટ - 17,300 યુનિટ 
3. મારુતિ વેગનઆર - 16,300 યુનિટ 
4. હ્યુન્ડાઈ ક્રેટા - 14,449 યુનિટ 
5. ટાટા નેક્સોન - 14,423 યુનિટ 
6. મારુતિ બ્રેઝા - 13,398 યુનિટ્સ 
7. મારુતિ Eeco - 12,800 યુનિટ
8. મારુતિ ડિઝાયર - 11,300 યુનિટ 
9. ટાટા પંચ - 11,100 યુનિટ 
10. મારુતિ અર્ટિગા - 10,500 યુનિટ 

આ પણ વાંચો:
ગુજરાતમાં વાવાઝોડાની અસર શરૂ, દ્વારકા અને જુનાગઢમાં લોકોના ઘરમાં દરિયાના પાણી ઘૂસ્યા
AI ની મદદથી ખેતીમાં આવશે ક્રાંતિ, ખેડૂતોને બંપર કમાણી કેવી રીતે થઈ શકે તે ખાસ જાણો
બિપરજોય વાવાઝોડાએ દિશા બદલી, ગુજરાત તરફ ઝડપથી આગળ વધી રહ્યું છે, 6 જિલ્લા પર ખતરો
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube