Kalki 2898 AD Teaser: કલ્કી ફિલ્મમાં અશ્વથામા બન્યા અમિતાભ બચ્ચન, જુઓ ફિલ્મનું દમદાર ટીઝર

Kalki 2898 AD: સાઉથ સુપરસ્ટાર પ્રભાસ અને દીપિકા પાદુકોણ સ્ટારર ફિલ્મ કલ્કી ઘણા સમયથી ચર્ચામાં છે. નાગ અશ્વિનની ફિલ્મ કલ્કીને લઈ દર્શકો પણ ઉત્સાહિત છે. આ ફિલ્મ મલ્ટીસ્ટારર હશે અને ખાસ વાત એ છે કે આ ફિલ્મમાં અમિતાભ બચ્ચન પણ મહત્વના પાત્રમાં છે. અમિતાભ બચ્ચનના પાત્ર વિશે ખુલાસો એક ટીઝર સાથે કરવામાં આવ્યો છે. 

આ પણ વાંચો: પ્રેગ્નન્ટ દીપિકા પાદુકોણની તસવીરો વાયરલ, પહેલીવાર જોવા મળી બેબી બંપ સાથે

અમિતાભ બચ્ચનના દમદાર પાત્રની એક ઝલક દેખાડતું ટીઝર મેકર્સ દ્વારા રિલીઝ કરવામાં આવ્યું છે. આ ટીઝરમાં અમિતાભ બચ્ચનના પાત્ર અંગે સ્પષ્ટતા પણ થઈ ગઈ છે. ફિલ્મ કલ્કીમાં અમિતાભ બચ્ચન અશ્વથામાનું પાત્ર ભજવશે. 20 સેકન્ડના ટીઝરથી પણ દર્શકોની આતુરતા વધી ચુકી છે.

આ ટીઝર ઈંટરનેટ પર ધુમ મચાવી રહ્યું છે. સોશિયલ મીડિયા પર આ ટીઝર વાયરલ થઈ રહ્યું છે. કેટલાક યુઝર્સે તો આ ટીઝર જોઈ ફિલ્મની સરખામણી હોલીવુડ સાથે પણ કરી દીધી છે. આ ટીઝરને કેટલાક યૂઝર્સે ભારતીય સિનેમાનું અત્યાર સુધીનું શાનદાર કંટેંટ કહ્યું છે. 

આ પણ વાંચો: Shah Rukh Khan: સુજોય ઘોષની ફિલ્મમાં પહેલીવાર સાથે કામ કરશે શાહરુખ અને સુહાના

કલ્કી ફિલ્મ એક સાઈ-ફાઈ સુપરહીરો થીમ બેસ્ડ ફિલ્મ છે. જેમાં પ્રભાસ, દીપિકા પાદુકોણ, દિશા પટણી, કમલ હાસન, અમિતાભ બચ્ચન સહિતના કલાકારો જોવા મળશે. આ ફિલ્મ 9 મે ના રોજ રિલીઝ થાય તેવી સંભાવના છે.