Chardham Yatra Latest Update: ଚାରିଧାମ ଯାତ୍ରାରେ ଅଘଟଣ, ୧୧ ମୃତ

Chardham Yatra Latest Update: ଉତ୍ତରାଖଣ୍ଡ ଚାରିଧାମ ଯାତ୍ରା ଆରମ୍ଭ ହେବାର ୬ଦିନ ବିତିଗଲାଣି। କେଦାରନାଥ, ଗଙ୍ଗୋତ୍ରୀ, ୟମୁନୋତ୍ରୀ ଧାମର ଦ୍ୱାର ମଇ ୧୦ରେ ଖୋଲା ଯାଇଥିବା ବେଳେ ମଇ ୧୨ରେ ଅର୍ଥାତ ଏହାର ୨ ଦିନ ପରେ ବଦ୍ରିନାଥ ଧାମର କପାଟ ଖୋଲାଯାଇଥିଲା, କିନ୍ତୁ ଚଳିତ ଥର ଚାରିଧାମ ଯାତ୍ରାରେ ବିଭିନ୍ନ ପ୍ରକାର ଅସୁବିଧା ଦେଖିବାକୁ ମିଳିଛି। ମାତ୍ର ୬ ଦିନରେ ୨.୭୬ ଲକ୍ଷ ଭକ୍ତ ଚାରିଧାମ ପରିଦର୍ଶନ କରିଛନ୍ତି । ୨୬ ଲକ୍ଷରୁ ଅଧିକ ଭକ୍ତ ପଞ୍ଜୀକରଣ କରିଛନ୍ତି। ତେବେ ଉତ୍ତରାଖଣ୍ଡର ପାଗ ଖରାପ ଯୋଗୁ ବର୍ଷା ହେବା ନେଇ ବିଭିନ୍ନ ସ୍ଥାନକୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ।

ଏଥିସହିତ ଭକ୍ତମାନେ ରାସ୍ତାରେ ଟ୍ରାଫିକ ଜାମରେ ମଧ୍ୟ ଫଶି ରହୁଛନ୍ତି, ପୋଲିସ କର୍ମଚାରୀଙ୍କ ସଂଖ୍ୟା କମ୍ ଥିବାକୁ ଶ୍ରଦ୍ଧାଳୁମାନେ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି। ସେପଟେ ୬ ଦିନରେ ୧୧ ଜଣ ଭକ୍ତଙ୍କର ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି। ଚାରିଧାମ ଯାତ୍ରା ସମୟରେ ଘଟିଥିବା ଦୁର୍ଘଟଣାର ଏକ ଭୟଙ୍କର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ବିଳମ୍ବିତ ରାତିରେ ବଦ୍ରିନାଥ ରାଜପଥ -୭ ରେ ପୁରସାଡି ନିକଟରେ ଦୁଇଟି ବସ୍ ପରସ୍ପର ସହ ମୁହାଁମୁହିଁ ଧକ୍କା ହୋଇଥିଲେ। ଏହି ଧକ୍କା ଏତେ ଭୟଙ୍କର ଥିଲା ଯେ ଦୁଇଜଣ ଯାତ୍ରୀ ଝରକାରୁ ବାହାରି ପଡ଼ିଥିଲେ, କିନ୍ତୁ ଯାତ୍ରୀ ଘାଇକୁ ମଧ୍ୟ ଖସି ପଡ଼ିଥିଲେ। ଏଥିରେ କୌଣସି ଧନ-ଜୀବନ ନଷ୍ଟ ହୋଇ ନଥିଲେ ମଧ୍ୟ ଏହା ସମସ୍ତଙ୍କୁ ଭୟଭିତ କରିଛି।

चारधाम यात्रा रूट बद्रीनाथ हाईवे पर आज दोपहर(गुरुवार) को दो बसों की आमने सामने खतरनाक ढंग से भिड़ंत हो गई!#badrinath #chardham_yatra pic.twitter.com/uf1JnKhop5

— जयवीर सैनी(जशोदाबेन का परिवार) (@JayveerSaini) May 16, 2024

ଗଡ଼ୱାଲ କମିଶନର ବିନୟ ଶଙ୍କର ପାଣ୍ଡେଙ୍କ ଅନୁଯାୟୀ ୬ ଦିନରେ ମୃତ୍ୟୁବରଣ କରିଥିବା ୧୧ ଭକ୍ତଙ୍କ ମଧ୍ୟରୁ ୪ ଜଣ ମଧୁମେହ ରୋଗୀ। ପ୍ରଥମ ଦିନରେ ୧.୫୫ ଲକ୍ଷରୁ ଅଧିକ ତୀର୍ଥଯାତ୍ରୀ କେଦାରନାଥ, ୭୦ ହଜାରରୁ ଅଧିକ ୟମୁନୋତ୍ରୀ ଏବଂ ୬୩ ହଜାରରୁ ଅଧିକ ଗଙ୍ଗୋତ୍ରୀ ପରିଦର୍ଶନ କରିଛନ୍ତି।୩ ଦିନରେ ୪୫ ହଜାର ଲୋକ ବଦ୍ରିନାଥ ଧାମ ପରିଦର୍ଶନ କରିଛନ୍ତି।

ସେପଟେ ଯେଉଁମାନେ ମିଥ୍ୟା ଖବର କିମ୍ବା ଭିଡିଓ ମାଧ୍ୟମରେ ଯାତ୍ରୀଙ୍କୁ ବଦନାମ କରୁଛନ୍ତି କିମ୍ବା ଭ୍ରମିତ କରୁଛନ୍ତି ସେମାନଙ୍କ ବିରୋଧରେ FIR ପଞ୍ଜିକରଣ କରିବାକୁ ନିର୍ଦ୍ଦେଶ ଦିଆଯାଇଛି। ୫୦ ବର୍ଷରୁ ଅଧିକ ତୀର୍ଥଯାତ୍ରୀଙ୍କୁ କେବଳ ସ୍ୱାସ୍ଥ୍ୟ ଯାଞ୍ଚ ପରେ ଆଗକୁ ଯାତ୍ରା ଜାରି ରଖିବାକୁ ଅଧିକାରୀମାନେ ନିର୍ଦ୍ଦେଶ ଦେଇଛନ୍ତି। ଏଥିପାଇଁ ସ୍ୱାସ୍ଥ୍ୟ ବିଭାଗ ତରଫରୁ ରାସ୍ତାରେ ୪୪ ଜଣ ବିଶେଷଜ୍ଞଙ୍କ ସମେତ ୧୮୪ ଜଣ ଡାକ୍ତରଙ୍କୁ ନିୟୋଜିତ କରାଯାଇଛି। ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ତାଙ୍କ ସଚିବ, ବରିଷ୍ଠ ଆଇଏଏସ୍ ଅଧିକାରୀ ଆର ମୀନାକ୍ଷୀ ସୁନ୍ଦରରାମଙ୍କୁ ଗଙ୍ଗୋତ୍ରୀ ଏବଂ ୟମୁନୋଟ୍ରି ଯାତ୍ରାର ତଦାରଖ ଦାୟିତ୍ୱ ଦେଇଛନ୍ତି।