Delhi Liquor Policy Case: ଦିଲ୍ଲୀ ମଦ ଦୁର୍ନୀତି ମାମଲାରେ ଇଡିର ବଡ ଆକ୍ସନ, AAP ଏବଂ କେଜ୍ରିୱାଲଙ୍କୁ ଅଭିଯୁକ୍ତ କଲା ତଦନ୍ତକାରୀ ସଂସ୍ଥା​​

Delhi Liquor Policy Case: ଦିଲ୍ଲୀର ମଦ ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଶୁକ୍ରବାର ଦିନ ଏକ ସପ୍ଲିମେଣ୍ଟାରୀ ଚାର୍ଜସିଟ ଦାଖଲ କରିଛି। ଏନଫୋର୍ସମେଣ୍ଟ ନିର୍ଦ୍ଦେଶାଳୟ ଦ୍ୱାରା ଦାଖଲ ହୋଇଥିବା ମାମଲାରେ ଏହା ହେଉଛି ଅଷ୍ଟମ ଚାର୍ଜସିଟ୍। ଇଡି ଅନୁଯାୟୀ, ଏହି ଚାର୍ଜସିଟରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଓ ଆମ୍ ଆଦମୀ ପାର୍ଟିର ନାମ ଅଭିଯୁକ୍ତ ବୋଲି ଉଲ୍ଲେଖ କରାଯାଇଛି। ଏହି ମାମଲାରେ ଦିଲ୍ଲୀର ମୁଖ୍ୟମନ୍ତ୍ରୀଙ୍କ ବିରୋଧରେ ଦାଖଲ ହୋଇଥିବା ଏହା ପ୍ରଥମ ଚାର୍ଜସିଟ୍।

ଆମ୍ ଆଦମୀ ପାର୍ଟି ବିରୋଧରେ ଚାର୍ଜସିଟ୍ ଦାଖଲ ହେବା ପରେ ଦଳର ନେତାଙ୍କ ସମସ୍ୟା ମଧ୍ୟ ବଢ଼ିପାରେ। ଦଳର ସଂଯୋଜକ ହୋଇ ଅରବିନ୍ଦ କେଜ୍ରିୱାଲଙ୍କ ସମସ୍ୟା ଆହୁରି ବଢ଼ିପାରେ। ଇଡି ସୁପ୍ରିମକୋର୍ଟଙ୍କୁ କହିଛି ଯେ ଏକ୍ସାଇଜ୍ ପଲିସି ମାମଲାରେ ଅରବିନ୍ଦ କେଜ୍ରିୱାଲ ଓ ହାୱାଲା ଅପରେଟରଙ୍କ ମଧ୍ୟରେ ଚାଟ୍ ଚିହ୍ନଟ ହୋଇଛି।

ତଦନ୍ତକାରୀ ସଂସ୍ଥା ଦାବି କରିଛି ଯେ ଯେତେବେଳେ କେଜ୍ରିୱାଲ ତାଙ୍କ ଫୋନ ଏବଂ ଅନ୍ୟାନ୍ୟ ଉପକରଣର ପାସୱାର୍ଡ ଦେବାକୁ ମନା କରିଦେଇଥିଲେ, ସେତେବେଳେ ହାୱାଲା ଅପରେଟରଙ୍କ ଉପକରଣରୁ ଚାଟ୍ ଉଦ୍ଧାର କରାଯାଇଥିଲା। ଦିଲ୍ଲୀର ମଦ ନୀତି ମାମଲାରେ ସୁପ୍ରିମକୋର୍ଟ ଦିଲ୍ଲୀର ସିଏମ୍ ଅରବିନ୍ଦ କେଜ୍ରିୱାଲଙ୍କୁ ୨ ଜୁନ୍ ପର୍ଯ୍ୟନ୍ତ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଛନ୍ତି। ତେବେ ଏହି ଅବଧି ମଧ୍ୟରେ ସେ ସିଏମ୍ ଅଫିସ୍ ଓ ଦିଲ୍ଲୀ ସଚିବାଳୟକୁ ଯାଇପାରିବେ ନାହିଁ। ୨ ଜୁନରେ କେଜ୍ରିୱାଲଙ୍କୁ ଆତ୍ମସମର୍ପଣ କରିବାକୁ କୋର୍ଟ ନିର୍ଦ୍ଦେଶ ଦେଇଥିଲେ।

ଏସ.ଜେ ରାଜୁ ଦାବି କରିଛନ୍ତି ଯେ କେଜ୍ରିୱାଲ ୧୦୦ କୋଟି ଟଙ୍କା ଲାଞ୍ଚ ମାଗିଛନ୍ତି ବୋଲି ପ୍ରମାଣ କରିବା ପାଇଁ ତଦନ୍ତକାରୀ ସଂସ୍ଥା ପାଖରେ ଯଥେଷ୍ଟ ପ୍ରମାଣ ରହିଛି। ଯାହା ଗୋଆ ବିଧାନସଭା ନିର୍ବାଚନ ପ୍ରଚାରରେ ଆମ୍ ଆଦମୀ ପାର୍ଟି ଦ୍ୱାରା ବ୍ୟବହୃତ ହୋଇଥିଲା। ଏସ.ଭି ରାଜୁ ସୁପ୍ରିମକୋର୍ଟଙ୍କୁ କହିଛନ୍ତି ଯେ ଆମର ପ୍ରତ୍ୟକ୍ଷ ପ୍ରମାଣ ଅଛି ଯେ କେଜ୍ରିୱାଲ ଏକ ସାତ ତାରକା ହୋଟେଲରେ ରହିଛନ୍ତି, ଯେଉଁ ବିଲ୍ ପାଇଁ ଏହି ମାମଲାରେ ଜଣେ ଅଭିଯୁକ୍ତ ଆଂଶିକ ପ୍ରଦାନ କରିଥିଲେ।