બીજા ધર્મમાં લગ્ન કરવા આ અભિનેત્રીને પડ્યા ભારે, પ્રેમ થયો તો સમાજે કર્યો હતો વિરોધ

તન્વી આઝમી તાજેતરમાં દિલ દોસ્તી ડિલેમા સિરીઝમાં જોવા મળી હતી. તેમાં તેણે અનુષ્કા સેનની દાદીનું પાત્ર ભજવ્યું છે. તાજેતરમાં તન્વીએ ઈન્ડિયન એક્સપ્રેસ સાથે વાત કરી હતી. 

આ દરમિયાન તન્વીએ કહ્યું કે હું બાળપણમાં આજ્ઞાકારી હતી. પરંતુ મારો વિદ્રોહવાળો સ્વભાવ બાદમાં બહાર આવ્યો હતો.

અભિનેત્રીએ આગળ કહ્યું કે જિંદગીમાં એક સમય એવો આવ્યો કે હું બળવાખોર થઈ ગઈ. આવું ત્યારે થયું જ્યારે મારા લગ્ન થયા. તે સમયે અનુભવ થયો કે આખુ મુંબઈ ભડકી ગયું છે. કારણ એક બ્રાહ્મણ મહારાષ્ટ્રીયન યુવતીએ મુસ્લિમ યુવક સાથે લગ્ન કરી લીધા.

આવું લાગ્યું કે ઘણા લોકોની દુનિયા ખતમ થઈ ગઈ. મારા માટે વિદ્રોહ ત્યારથી શરૂ થયો હતો અને ત્યારથી હજુ સુધી ગયો નથી.

 

તન્વી આઝમી ટીવી અને સિનેમાજગતમાં એક મોટું નામ છે. એટલું જ નહીં તેનો શબાના આઝમી સાથે પણ નજીકનો સંબંધ છે. હકીકતમાં તન્વી શબાના આઝમીના ભાભી છે અને કેફી આઝમીની પુત્રવધૂ છે. તેણે સિનેમેટોગ્રાફર બાબા આઝમી સાથે લગ્ન કર્યાં છે. જે શબાના આઝમીનો સગો ભાઈ છે. 

તન્વી આઝમી આજે શાનદાર જિંદગી જીવી રહી છે. પરિવારમાં સેટલ થવા વિશે વાત કરતા તન્વીએ કહ્યું કે આ પરિવારનો ભાગ બનવામાં ખુબ સારૂ લાગ્યું. તેણે ક્યારેય મને નિરાશ ન કરી. ન ક્યારેય અનુભવ કરાવ્યો કે મારે તે હાસિલ કરવાની જરૂર છે જે બીજાએ હાસિલ કર્યું છે. જ્યાં સુધી મને સારા કામ મળે છે ત્યાં સુધી હું મારી સફરથી ખુશ છું.